काठमाण्डौं । फागुन कृष्ण चतुर्दशीका दिन मनाइने महाशिवरात्रीलाई असोज शुक्ल अष्टमीको रातको कालरात्री, श्रीकृष्ण जन्माष्टमीको मोहरात्रि र लक्ष्मीपूजाको सुखरात्रि जत्तिकै महत्वपूर्ण मानिन्छ।
महाशिवरात्रीका दिन शुद्ध भई शिव मन्दिरमा पूजा–अर्चना गरी व्रत बस्ने र भगवान् शिवको प्रिय वस्तु दूध, धतुरो र बेलपत्र चढाउने प्रचलन छ। उपवास गरी रातभर जाग्राम बसे सर्वसिद्धि लाभ भई यमलोक जानु नपर्ने धार्मिक विश्वास छ। आजका दिन भगवान् महादेवलाई जाडो हुने जनविश्वासले प्रत्येक घर, चोक र मठमन्दिरमा दाउरा मागेर धुनी जगाई भजनकीर्तन गरिन्छ।
महाविशरात्रीको अवसरमा पशुपतिनाथ मन्दिरमा छिमेकी मुलुक भारतबाट पनि ठूलो संख्यामा तीर्थालु भक्तजन आउने गर्छन् भने विश्वभरबाटै पीर फकिरहरु पशुपतिनाथ आउने गर्छन् । पशुपति विकास कोषले यो वर्ष शिवरात्रिमा तेह्र लाख भक्तजन आउने अनुमान लगाएको छ।
यस वर्ष कोषले सशुल्क दर्शन पासको व्यवस्था खारेज गरेको छ । गत वर्ष सशुल्क दर्शनका माध्यमबाट कोषले ३५ लाख सङ्कलन गरेको थियो
१३ फागुन २०७३, ११।००
वि.सं.२०७३ फागुन १३ शुक्रवार १३:१८ मा प्रकाशित
