काठमाडौं । नेपालको औधोगिक तथा व्यापारीक घराना एम भी दुगड ग्रुपको विवेक अटोमोवाइलस् प्रा.लि.ले आयोजना गरेको ‘रोयल इनफिल्ड ट्रेजर हन्ट राइड’ सम्पन्न भएको छ । उतm राइडमा १०५ वटा रोयल इनफिल्डका राइडरहरुले सहभागीता जनाएका थिए । ट्रेजर हन्ट राइड बालाजु सोरुम बाट प्रारम्भ भई बालाजु चौक, नयाँ बजार, लैनचौर, केशर महल, दरबारमार्ग, घण्टाघर, भद्रकाली, शहिद गेट, आर.एन.एसी, वीर हष्पिटल, जमल, कान्तिपथ, दरबारमार्ग, जयनेपाल, नागपोखरी, नारायणचौर, प्रहरि हेडक्वाटर नक्साल, नक्साल भगवती बहाल, ज्ञानेश्वर, गौशाला, एयरपोर्ट, तिनकुने, कोटेश्वर, जडीबुटी, लोकन्थली, कौशलटार, गठठघर, नयाँ ठिमी, राधे–राधे, सल्लाधारी, सुर्यविनायक हुँदै पाइलट बाबा पुगेर सम्पन्न भयो । एम भी दुगड ग्रुपका अध्यक्ष मोती लाल दुगड, उपाध्यक्ष विवेक दुगड र रोयल इनफिल्डका हेड अफ अपरेसन मेघराज पौडयाल द्वारा राइडको शुभारम्भ भएको थियो । उक्त प्रतियोगितामा राइडहरुलाई टे«जर हन्ट, स्लो रेस प्रतियोगिता र रोयल इनफिल्ड पुस कम्पिटिसन आयोजना गरिएको थियो ।
ट्रेजर हन्टमा १०५ जनाले सहभागिता जएकोमा सनवीर गुरुङ प्रथम, प्रशन्न घिमिरे दोस्रो र राजेश श्रेष्ठले तेस्रो स्थान हासिल गरे ।
त्यस्तै स्लो रेस प्रतियोगितामा ३५ जनाले सहभागिता जनाएकोमा शुशान्त राज गिरी प्रथम, रमेश अवाले दोस्रो र शोभन दास श्रेष्ठले तेस्रो स्थान हात पारे ।
त्यस्तै अर्को रोयल इनफिल्ड पुस कम्पिटिसनमा ३० जनाले सहभागिता जनाएका थिए । अनिल धिताल प्रथम, रमन बस्नेत दोस्रो र निर्मल लामा तेस्रो भए ।
सोही कार्यक्रममा नेपालमा पहिलो पटक रोयल इनफिल्डबाट मोटरसाइकल स्टन्ड सो समेत प्रदर्शन गरिएको थियो । नेपालका प्रोफेशनल राइडर दिपेश श्रेष्ठको नेतृत्वमा स्टन्ड सो देखाइएको थियो । प्रतियोगितामा विजयी राइडरहरुलाई प्रमुख अतिथी नेपाल टुरिजम वोर्डका सदस्य कृष्ण कुमार अर्याल, नेपाल टुरिजम वोर्डका एक्टिङ डाइरेक्टर शुसिल शर्मा, रोयल इनफिल्ड नेपालका हेड अफ अप्रेशन मेघराज पौडेलद्वारा प्रमाण पत्र ट्रफि तथा गिफ्ट ह्याम्पर प्रदान गरिएको थियो । विजयी राइडरहरुलाई प्रमुख अतिथि अर्यालले बधाइ तथा शुभकामना दिएका थिए ।
१३ पुस २०७३
वि.सं.२०७३ पुस १३ बुधवार १०:५३ मा प्रकाशित
