काठमाण्डौँ । बिहिबार सेयर बजार उच्च अंकले घटेको छ। साताको अन्तिम दिन कारोबार रकम उल्लेख्य बढे पनि नेप्से परिसूचक ४०.८२ अंकले घटेको हो। आज बिहिबार एक सय ३५ कम्पनीका १ अर्ब ५० करोड मूल्य बराबरको सेयर खरिद बिक्री भएका छन् ।
बिहिबार सबैभन्दा बढी बिमा उपसूचक२सय ४१.९५ अंकले घटेको छ । त्यस्तै, बैंक, बिमा, बिकास बैंक, वित्तीय, हाइड्रो, होटल र अन्य गरी सम्पूर्ण उपसूचकहरु ओरालो लागेको हो।
एभरेष्ट र नेसनल लाईफले अहिले सम्मकै बम्पर बोनस घोषणा गर्दा पनि सूचक घट्नुले अब बजार तल झर्छ भन्ने लगानीकर्ताको आशंकालाई बल पुगेकोछ । यस्तो अवस्थामा आत्तिएर सेयर बेच्नुभन्दा पर्ख र हेरको स्थिति अपनाउनु नै उपयुक्त हुने देखिन्छ । किनभने आज समग्रमा घटेको बजारमा सिद्धार्थ डेभलोपमेन्ट बैंकका लगानीकर्ताले १८ रुपैयाँ कमाएका थिए ।
२ मंसिर २०७३, ३।३०
वि.सं.२०७३ मंसिर २ बिहीवार १५:३३ मा प्रकाशित
