काठमाण्डौं । स्टान्डर्ड चार्टर्ड बैंकले ३ अर्ब ३० करोड रुपैयाँ बराबरको नयाँ साधारण सेयर (एफपीओं) निष्कासन गर्ने भएको छ । बैंकले आफ्नो वेवसाइट मार्फत पुँजी वृद्धि योजना सार्वजनिक गर्दे प्रिमियम मूल्यमा एफपीओ जारी गर्ने जनाएको हो ।
बैंकको गत असोज ३ मा बसेको संचालक समितिको बैठकले फर्दर पब्लिक अफारिंग (एफपीओं) निष्काशन गर्ने निर्णय गरेको थियो । बैंकले गत आर्थिक बर्षमा एक अर्ब २६ करोड खुद नाफा कमाएको थियो । बैंकले एफपिओ र बोनस सेयर जारी गरेर राष्ट्र बैंकले तोकेको आठ अर्ब पुँजी पुर्याउने भएको हो ।
दुई अर्ब ८१ करोड रुपैयाँ चुक्तापुँजी भएको बैंकले यसअघिनै गतआर्थिक बर्षको मुनाफाबाट ३३ प्रतिशत बोनस वितरण गर्ने घोषणा गरिसकेको छ । बोनस सेयर जारी गरेपछि बैंकको चुक्ता पूँजी तीन अर्ब ७५ करोड पुग्नेछ । त्यसपछि बैंकले ३ अर्ब ३० करोड बराबरको नयाँ सेयर निष्कासन गर्नेछ । एफपिओपछि बैंकको पूँजी ७ अबै ५ करोड रुपैयाँ पुग्नेछ भने चालु आर्थिक बर्षमा एक अर्ब रुपैयाँ बराबरको बोनस वितरणपछि आठ अर्ब पुँजी पुर्याउने पुँजी योजनामा उल्लेख छ ।
७ कार्तिक २०७३, ३।००
वि.सं.२०७३ कात्तिक ७ आइतवार १४:५६ मा प्रकाशित
