काठमाडौ । सामुदायिक रेडियो प्रसारक संघ नेपाल (अकोराब)को अध्यक्षमा सुवास खतिवडा विजयी भएका छन् । अध्यक्षका प्रत्यासी किशोरसिंह थापालाई १० मतले पछि पार्दै खतिवडा विजयी भएका हुन् । खतिवडाले १ सय ४२ तथा थापाले १ सय ३२ मत प्राप्त गरेको निर्वाचन समितिले जनाएको छ ।
खतिवडा एमाले सहितका दलका तर्फबाट उम्मेद्वार बनेका थिए भने काँग्रेस र माओवादी केन्द्रबाट थापाको प्यानललाई समर्थन थियो । वरिष्ठ उपाध्यक्षमा थापा प्यानलका अर्जुन गिरी पनि १० मतले नै विजयी भएका छन् । उनले १४० मत पाए भने उनका प्रत्यासी होम पाठकले १ सय ३० मत पाए ।
यसैगरी महिला उपाध्यक्षमा एकसय ३९ मत सहित शशिकला दाहाल विजयी भईन् । प्रतिद्वन्दि सविता अर्यालले एकसय २५ मत पाईन । एकसय ३२ मत ल्याएर निमेश कर्ण मधेसी तर्फबाट उपाध्यक्षमा चयन भएका छन् । अर्का प्रत्यासी विनेश्वर गुप्ताले एकसय २७ मत पाए । यस्तै जनजाती उपाध्यक्षमा एकसय ३७ मतसहित अर्जुनकुमार राई विजयी भएका छन् । जनजाती उपाध्यक्षका अर्का उमेद्वार दिपक श्रेष्ठले एकसय २१ मत पाएका थिए । दलिततर्फको उपाध्यक्षमा भने भूवन सिंह निविरोध चयन भएका हुन् ।
महासचिवमा विजयी थापा प्यानलका गोविन्द देवकोटाले एकसय ३६ मत पाए । उनका प्रतिद्धन्दी पिताम्बर सिग्देलले एक सय २८ मत पाएको निर्वाचन समितिले जनाएको छ । यसैगरी कोषाध्यक्षमा एकसय ३५ मत सहित लक्ष्मण खड्का विजयी भएका छन् । कोषाध्यक्षका प्रत्यासी सुदर्शन खतिवडाले एकसय २९ मत पाए ।
सचिवमा एकसय ४२ मतसहित खतिवडा प्यानलका बन्दना दनुवार विजयी भईन् । सचिवका प्रत्यासी तुला अधिकारीले एकसय १९ मत पाए । अधिवेशनले २९ सदस्यीय केन्द्रीय कार्य समिति र ११ सदस्यीय प्रदेशस्तरीय समिति पनि चयन गरेको छ ।
प्रकाशित मितिः २०७३ पुस २३
वि.सं.२०७३ पुस २३ शनिवार ०८:३८ मा प्रकाशित
