चितवन । निजामती कर्मचारी विभिन्न दलको चुनाव प्रचार प्रसारमा सक्रिय रहेकामा आपत्ति जनाउँदै पुर्व अर्थमन्त्री सुरेन्द्र पाण्डेले सरकारको नून खाएर एउटा पार्टीको प्रचारमा नलाग्न कर्मचारीलाई आग्रह गरेका छन् । उनले राष्ट्र सेवाकले स्वतन्त्र छपि प्रकट गर्नु पर्ने बताए ।
पूर्वअर्थमन्त्री एवं चितवन क्षेत्र नं १ बाट प्रतिनिधिसभा सदस्यका उम्मेदवार पाण्डेले राष्ट्रको रक्षाका लागि वाम सरकार आवश्यक भएको दाबी गरे।
चितवन क्षेत्र नं १ अन्तर्गत स्थानीय खैरहनीमा आयोजित चुनावी सभालाई सम्बोधन गर्दै उनले वाम शक्तिको सरकारले मात्रै देश विकास गर्न सक्नेमा जोड दिए ।
एमाले स्थायी कमिटी सदस्यसमेत रहेका पुर्व मन्त्री पाण्डलेले बिहीबार यहाँको खैरहनी नगरपालिका–४ चैनपुर, शिवालयचोकमा आयोजित सभामा भने, “अबको निर्वाचन पछि वाम शक्तिको सरकार बन्छ, अनि देश विकास र समृद्धितर्फ अघि बढ्छ ।” राष्ट्रको रक्षाका लागि नै वाम एकता गरिएको उनको भनाइ थियो ।
सो क्रममा क्षेत्र नं १ अन्तर्गत प्रदेशसभा (ख)का उम्मेदवार कृष्ण खनालले स्थानीय क्षेत्रको विकाससँगै समग्र राष्ट्रकै विकासका लागि वाम शक्तिलाई सहयोग गर्नुपर्नेमा जोड दिए ।
प्रकाशित मिति : १५ मंसिर २०७४
वि.सं.२०७४ मंसिर १५ शुक्रवार ०९:०६ मा प्रकाशित