काठमाडौं । ट्रेकिङ एजेन्सिज एसोसियसन अफ नेपाल (TAAN)र एड्भेन्चर ट्राभल ट्रेड एसोसियसन (ATTA) अमेरिकाको संयुक्त आयोजनामा ८ दिने साहसिक पर्यटन गाईड तालिम टानको केन्द्रीय कार्यालय मालिगाउँमा सुरु भएको छ ।
नेपाललाई साहसिक पर्यटनको गन्तव्यको रुपमा विकास गर्न दक्ष जनशक्तिको आवश्यकता महशुस गरी तालिम संचालन गरेको टानका महासचिव कर्ण लामाले बताए ।तालिम साहसिक पर्यटन, सुरक्षा र जोखिम, समुह व्यवस्थापन, प्राकृतिक, ऐतिहासिक सम्पदाको व्याख्या शैली, दिगो पर्यटन व्यवस्थापन, आकस्मिक प्राथमिक उपचार विषयमा विज्ञ विदेशी प्रशिक्षकहरुबाट प्रदान गरिनेछ ।
यस तालिममा प्रशिक्षार्थीहरु लाई प्रयोगात्मक तालिमको लागि शिवपुरी राष्ट्रिय निकुञ्जमा लगेर आवासिय तालिमको समेत प्रबन्ध गरिएको छ ।
प्रकाशितः २०७३ असार १
वि.सं.२०७३ असार १ बुधवार १३:०३ मा प्रकाशित
