दोलखा । प्रधानमन्त्री पुष्पकमल दाहाल प्रचण्डले निर्माणाधीन तामाकोसी आयोजनाको १ज्ञ अर्ब रकम सेयरमा बदल्ने तयारी भइरहेको जानकारी दिएका छन् । यसका साथै, सरकारले गरेको लगानीबाट जनयुद्धका सहिद र बेपत्ताका परिवारलाई सेयर दिने सोच रहेको उनले जानकारी दिए ।
आयोजनाको निरीक्षणका लागि दोलखा आएका प्रधानमन्त्रीले आयोजना निर्माणमा नेपाल सरकारले ११ अर्ब ऋण लगानी गरेको र त्यसबाट नै विपन्न वर्ग र सहिद-बेपत्ताका परिवारलाई शेयर दिने तयारी भइरहेको बताए।
प्रधानमन्त्री प्रचण्डले आयोजना छिटो सक्न कर्मचारीहरुलाई निर्देशन दिएका छन्। स्वदेशी लगानीमा निर्माण भइरहेको आयोजनाको अनुमानित लागत ३५ अर्ब २९ करोड रुपैयाँ तोकिएको छ।
२३ कार्तिक २०७३, १।००
वि.सं.२०७३ कात्तिक २३ मंगलवार १३:४४ मा प्रकाशित
