कीर्तिपुर । त्रिभुवन विश्वविद्यालयका आंशिक प्राध्यापकहरूले तुरुन्तै करार सेवामा नियुक्ति पाउनुपर्ने भन्दै त्रिवि पदाधिकारीलाई क्याम्पसमै थुनेका छन् । मंगलबार दिउँसो बल्खुस्थित जनप्रशासन क्याम्पसमा तालाबन्दी गरेर उनीहरु त्रिवि पदाधिकारीलाई थुनेका हुन् ।
बैठक बसिरहेका बेला आंशिक प्राध्यापकहरुले तालाबन्दी गरेपछि त्रिवि अधिकारीहरु त्यहीभित्र थुनिनु परेको थियो । क्याम्पसभित्र त्रिवि उपकुलपति तीर्थ खनिया, शिक्षाध्यक्ष सुधा त्रिपाठी, रजिस्ट्रार डिल्ली उप्रेतीलगायत कर्मचारी र सुरक्षाकर्मी थुनिएका हुन् ।
आंशिक प्राध्यापक संघले एक सैक्षित्र सत्र प्राध्यापक गरेका प्राध्यापकलाई करार नियुक्त दिनुपर्ने माग राख्दैं आन्दोलन गरिरहेको छ । संघले आफ्ना माग पूरा गर्ने सहमति नभएसम्म आन्दोलन जारी राख्ने जनाएका छन् । संघको अगुवाईमा २९ दिनदेखि आंशिक प्राध्यापकहरु रिले अनशन बसिरहेका छन् ।
प्रकाशित मितिः २०७४ भदौ ७
वि.सं.२०७४ भदौ ७ बुधवार १४:१४ मा प्रकाशित
