धादिङ । नेकपा एमाले धादिङ क्षेत्र नं. २ अन्तगर्तन प्रदेश साभाका दुवै क्षेत्रले बुधबार साँझमा बैठक सम्पन्न गरेको छ । दुई वटै क्षेत्रमा आकांक्षी धेरै देखिएकाले बैठकमा आएका सबै नाम जिल्ला कमिटिमा निर्णयार्थ पेश गरिएको छ ।
प्रत्यक्ष तर्फ २ (क) मा कृष्णबहादुर लामा, डा. रामकुमार अधिकारी, पार्वती खाँण, खेमबहादुर पाठक, धर्मराज अर्याल, राजेन्द्रप्रसाद सापकोटा र यज्ञश्वर अर्यालको नाम जिल्ला कमिटिमा पठाइएको एमाले नेता नेत्रप्रसाद नेपालले जानरकारी दिए ।
त्यस्तै २ (ख) मा पनि टेलिफोन र एसएमएस मार्फत टिपाइएका नाम समेत संकलन गर्दा करिव डेढ दर्जनले आकांक्षा प्रकट गरेकोले सबैसंग कुरा गरेर प्रतिस्पर्धाका निम्ति उपयुक्त नाममात्र जिल्ला कमिटिमा सिफारिस गर्न लागिएको एमाले प्रदेश नं. ३ का सदस्य एवं सो क्षेत्रका इञ्चार्ज डा. रामकुमार अधिकारीले जानकारी दिए ।
सो क्षेत्रमा वहालवाला सांसद धनबहादुर घले, रामहरि अधिकारी, उमेश थापा, इन्दिरा ढुंगाना, भरत खत्री, बाबुकृष्ण श्रेष्ठ, विष्णु सिंखडा, नारायण कार्की, गोपी पाण्डे लगायतको नाम जिल्ला कमिटिमा पेश गर्न लागिएको अधिकारीले बताए ।
उत्तरी क्षेत्रका प्रभावशाली नेता रामहरि अधिकारीले आफु समानुपातिकमा सुरक्षित भए प्रत्यक्षे चुनाव नलड्ने मनसाय ब्यक्त गरेको पनि निकट स्रोतले जनायो । अधिकारीको नाम समानुपातिकमा एकल सर्वसम्मत पठाएको युवा संघ नेपालका केन्द्रीय सदस्य भरत खत्रीले बताए ।
१९ असोज २०७४
वि.सं.२०७४ असोज १९ बिहीवार ०८:२२ मा प्रकाशित