काठमाडौं । नेकपा एमालेको नेतृत्वमा ९ दलीय गठबन्धनले आयोजना गरेको आजको विरोधसभाका राजधानीका विभिन्न चालिसभन्दा बढि स्थानबाट जुलुस निस्किएको छ । बाहिर जिल्लाबाट आउनेहरु पनि जुलुसमा सामेल हुन थालेका छन् । यसले राजधानीको ट्राफिक व्यवस्थापन अस्तव्यस्त हुने देखिएको छ ।
स्थान अभावका कारण एमालेले प्रदर्शनीमार्गको बीच सडकमै मञ्च बनाएर आमसभाको आयोजना गरेको छ । एमालेसहित ९ दलको विरोधसभा दिउँसो ३ बजे राष्ट्रियसभा गृह अगाडिको वीच सडकमै हुने भएको छ ।
जुलुसहरु रत्नपार्कमा केन्द्रित भएर राष्ट्रिय सभागृह अगाडि मञ्चमा पुगेर सभामा परिणत हुनेछ । एमाले प्रचार विभागका अनुसार उपत्यकाका विभिन्न ठाउँबाट निस्कने ४० वटा जुलुसमध्ये एमालेका ३० वटा जनवर्गीय संगठनका बेग्लाबेग्लै जुलुस हुनेछन् । त्यसैगरी उपत्यकाका १५ निर्वाचन क्षेत्रका निर्वाचन कमिटीले बेग्लाबेग्लै जुलुस निकाल्ने एमालेले जनाएको छ । त्यस्तै काठमाडौं, ललितपुर र भक्तपुर जिल्ला कमिटीका बेग्लाबेग्लै जुलुस हुनेछन् । विभिन्न जिल्लाका सम्पर्कमञ्चहरुको अर्को जुलुस हुनेछ ।
परिवार दल, नेमकिपा, राष्ट्रिय जनमोर्चा र मालेले पनि बेग्लै जुलुस निकाल्ने र रत्नपार्कमा मिसिएपछि सभास्थलतर्फ अगाडि बढ्ने छ । रत्नपार्कबाट केपी ओलीसहित ९ दलका शीषै नेताको अगुवाइमा सुरु हुने मूल जुलुस त्यहाँबाट पुरानो बसपार्क र भद्रकाली हुँदै सहीद गेट, न्यरोड गेट, भोटाहिटी, बागबजार र पुतलीसडक हुँदै प्रदर्शनीमार्ग आइपुगेपछि सभामा परिणत हुनेछ । यो अवधिसम्म काठमाडौंको यातायात व्यवस्था प्रभावित हुने देखिएको छ ।
प्रकाशित मितिः २०७३ पुस २२
वि.सं.२०७३ पुस २२ शुक्रवार १३:२९ मा प्रकाशित
