काठमाण्डौं । इटलीको कम्पनी पियाजियोले भेस्पा ९४६ एम्पोरियो अरमानी स्कुटर बजारमा ल्याउने तयारी गरेको छ जसको भारतमा नै ९ लाख ४० हजार पर्ने कम्पनीले बताइएको छ। फेसन कम्पनी एपोरियो अरमानीसँगको सहकार्यमा उसले नयाँ स्कुटर बनाएको हो । फेसन डिजाइनरले नै यो स्कुटरको डिजाइन तयार पारेका हुन्।
सिंगल सिटरजस्तो लाग्ने यस स्कुटरमा कयौं हाइटेक विशेषताहरु रहेको छ। यो इटलीबाट नै आयात गरिन्छ। यसको हेड ल्याम्पमा अरमानीको लोगो राखिएको छ। यसको सिट अरमानी एडिसनको छ। यसमा इलेक्ट्रोनिक्स ड्राइभिङ कन्ट्रोल जडान गरिएको छ। यसले मोबाइल र इन्टरनेट कनेक्सन गर्न सघाउँछ। १ सय २५ सिसिको इन्जिन रहेको यस स्कुटरमा साढे ८ लिटर तेल अटाउने ट्यांकी छ।
१२ कार्तिक २०७३, ११।००
वि.सं.२०७३ कात्तिक १२ शुक्रवार ११:५८ मा प्रकाशित
