काठमाडौ । निर्वाचन आयोगले आसन्न स्थानीय तहको निर्वाचनमा मतदान गर्न नयाँ परिचय पत्र संकलन गर्न मतदातालाई आग्रह गरेको छ । आयोगले यस अघि बितरण गरिएको मतदाता परिचय पत्रको प्रयोग मान्य नहुने भन्दै आफ्नो मतदान केन्द्रबाट नयाँ परिचय पत्र लिन भनेको हो ।
आयोगका अनुसार नयाँ स्वरुपमा परिचय पत्र तयार पारिएको छ । यस अघि बितरण गरिएको मतदाता परिचय पत्रमा भएको मतदान केन्द्र समेत परिवर्तन भएको जनाउँदै आयोगले पुरानो परिचय पत्र यो निर्वाचनमा काम नलाग्ने बताएको हो ।
सूचना मार्फत आयोगले मतदाताहरुलाई यहि बैशाख २८ देखि ३० गते भित्रमा आफ्नो मतदान केन्द्रबाट नयाँ परिचय पत्र संकलन गर्न आग्रह गरेको हो ।
प्रकाशित मितिः २०७४ बैशाख २७
वि.सं.२०७४ वैशाख २७ बुधवार १४:३५ मा प्रकाशित
