काठमाडौँ। व्यवस्थापिका–संसद्को आजको बैठकमा सांसदहरुले देशलाई बाढीपहिराको क्षति रोक्न माग गरेका छन् । उनीहरुले बाढीपहिरोबाट दीर्घकालीन उपाय अवलम्बन गर्न ध्यानाकर्षण गराएका हुन् ।
विभिन्न भागमा जनधनधको क्षति भइरहेकाले रोकथामका लागि वर्षा र भूमण्डलीय तापमानका कारण सप्तरी, सिन्धुपाल्चोक, धादिङ, कास्कीलगायत जिल्लामा बाढी, पहिरो, भारतीय बाँध, अतिवृष्टि र खण्डवृष्टिका कारण स्थानीयवासी प्रभावित हुनुपरेकाले व्यवस्थित बस्ती प्रणाली स्थापना गरी पीडितलाई उचित क्षतिपूर्ति दिन उनीहरुले माग गरेका थिए ।
उहाँहरुले तराईका सीमावर्ती क्षेत्रमा भारतीय बाँध थुनिँदा नेपाली भूभाग जलमग्न भएकाले नेपाल सरकारले कूटनीतिक पहलबाट भारत सरकारसँग संवाद गर्नुपर्नेमा जोड दिएका छन् ।
बैठकमा सभामुखसँग समय लिएर नेपाली काँग्रेसका मोहनबहादुर बस्नेत र तेजुलाल चौधरी, नेकपा (एमाले) का कृष्णभक्त पोखरेल, नेपाल मजदुर किसान पार्टीका प्रेम सुवाल र सांसद् डिलबहादुर नेपालीले ती विषयमा ध्यानाकर्षण गराएका थियो ।
प्रकाशित मितिः २०७४ असार २०
वि.सं.२०७४ असार २० मंगलवार १२:२२ मा प्रकाशित