काठमाण्डौं । भोलि हुने प्रधानमन्त्रीको चुनावका लागि एमालेले प्रधानमन्त्रीको उम्मेदवारी नदिने निर्णय गरेकोछ । यस अघि सुवास नेम्वाङ लगायतका व्यक्तिको नाम चर्चामा आएको थियो ।
नेकपा एमालेका प्रचार बिभाग प्रमुख एवं सचिव योगेश भट्टराईले सामाजिक संजाल मार्फत् यस्तो जानकारी दिएका हुन् । उनले फेसबुकमा लेखेका छन्, ‘एमाले स्थायी समितिको बैठकले जिम्मेवार प्रतिपक्षमा बस्ने ।बिपक्षमा मतदान गर्ने ।प्रममा उम्मेदवारि नदिने निर्णय गर्यो । उच्च राजनीतिक संस्कार !’
प्रधानमन्त्री केपी शर्मा ओलीले प्रधानमन्त्री पदबाट राजिनामा दिएपछि भोलि नयाँ प्रधानमन्त्रीका लागि व्यवस्थापिक संसदमा निर्वाचन हुँदैछ । यसका लागि नेकपा माओवादी केन्द्रका अध्यक्ष प्रचण्डले आफ्नो उम्मेदवारी दर्ता गराएका छन् ।
१८ साउन २०७३, १२।००
वि.सं.२०७३ साउन १८ मंगलवार १२:०८ मा प्रकाशित
