काठमाडौ । प्रधानमन्त्री केपी शर्मा ओली नेतृत्वको वर्तमान सरकारलाई नै कम्तिमा पनि ५ वर्ष निरन्तरता दिनुपर्ने माग गर्दै काठमाडौंको माइतीघरमा युवाहरुले प्रदर्शन गरेका छन्।
राष्ट्रिय झण्डा, नारा र प्लेकार्ड सहित प्रदर्शनमा उत्रेका युवाहरुले ओली सरकारको पक्षमा नारावाजी समेत गरे।
भारतीय नाकाबन्दीलाई झुक्दै नझुकी सामना गरेको, विकास र समृद्धीको बाटो लिएको र राष्ट्रियता जोगाउन वर्तमान ओली नेतृत्वको सरकारले महत्वपूर्ण भुमिका खेलेको भन्दै उनीहरुले ओली सरकारको निरन्तरताको माग गरे।
यस्तै पोखरामा पनि ओली सरकारको निरन्तरता हुनु पर्ने माग राख्दै युवाहरुले र्यालि निकालेका थिए ।
प्रकाशित मिति ः २०७३ असार ३१
वि.सं.२०७३ असार ३१ शुक्रवार १७:४८ मा प्रकाशित