back
mega bank Ad
Hero Ad

नेपाली तयारी पोसाकलाई अमेरिकामा भन्सार नलाग्ने

काठमाडौं । नेपाली तयारी पोसाकले अमेरिकी बजारमा भन्सार नतिरी प्रवेश पाउने भएको छ । अमेरिकी संसदको दुवै सदनले नेपाली पोसाकलाई भन्साररहित सुविधा दिने विधेयक पारित गर्दै पहिलो पटक यस्तो सुविधा दिएको हो ।

‘यसले नेपाली उत्पादन १७ प्रतिशतसम्म सस्तो हुने भएकाले बजार बढ्ने अपेक्षा गरेका छौं,’ तयारी पोसाक उद्योग संघका कोषाध्यक्ष सञ्जय अग्रवालले भने ।

अमेरिकाको क्यालिफोर्निया राज्यकी सिनेटर डायना फेनिस्टिनले नेपाली तयारी पोसाकलाई उक्त सुविधा दिनुपर्ने विधेयक दर्ता गराएका थिइन् । उनले भूकम्पपछि नेपाली अर्थतन्त्रमा नकारात्मक प्रभाव परेको र गरिबीसमेत बढ्न सक्ने भन्दै उक्त सुविधा दिनुपर्ने माग गरेकी थिइन् ।

 उक्त विधेयकमा अमेरिकी सिनेट र हाउस अफ रेप्रिजेन्टेटिभमा छलफल भएर यही डिसेम्बर ९ मा पारित भएको थियो । ‘यो नेपाली पोसाक उद्योगका लागि ठूलो उपलब्धि हो,’ अग्रवालले भने । यसबाट गुमिसकेको अमेरिकी बजारमा नेपाली उत्पादन विस्तार हुने व्यवसायीको अपेक्षा छ ।

सन् २००० देखि क्रमिक रूपमा अमेरिकाले दिँदै आएको कोटा प्रणालीको खारेजी र देशभित्रको माओवादी द्वन्द्वले तयारी पोसाकको अमेरिकी बजार गुम्दै गएको हो ।

सन् २००१ मा नेपालबाट करिब १२ अर्ब रुपैयाँ बराबरको तयारी पोसाक अमेरिका निर्यात भएको थियो । यो २००९ मा आइपुग्दा ५० करोडको हाराहारीमा झरेको थियो । यस अवधिमा करिब ४ सय सानाठूला तयारी पोसाक कारखाना बन्द भए ।

करिब एक लाखले रोजगारी गुमाएका थिए, जसमध्ये ८० प्रतिशत महिला थिए । यसरी बजार गुम्दै गएपछि नेपालले निरन्तर भन्साररहित सुविधाको माग गरिरहेको थियो ।

सुरुमा एसियाली १४ वटा अतिकम विकसित मुलुकलाई भन्साररहित सुविधाको माग गरिएको थियो । त्यसपछि फेनिस्टिन र अर्का सिनेटर किट वन्डले नेपालका लागि पहल गरेका थिए ।

त्यतिखेर राजनीतिक मुद्दाका कारण उक्त सुविधा पाउन सकिएको थिएन । सब सहारन अफ्रिकी मुलुक र अफगानिस्तानले यस्तो सुविधा पाइरहेको भन्दै नेपालका लागि पनि माग गरिएको थियो ।

बंगलादेश र कम्बोडिया जस्ता एसियाली अतिकम विकसित मुलुकको निर्यात बढिरहेकाले पनि अमेरिकाले यसअघि सुविधा दिन मानिरहेको थिएन । भूकम्पपछि भने वातावरण बनेको हो ।

व्यवसायीको व्यापार विविधीकरणले पछिल्लो समय केही सुधार भइरहेको थियो । तर चीन, बंगलादेश, भारतजस्ता मुलुकसँग प्रतिस्पर्धा गर्न कठिन भइरहेको थियो । व्यवसायीका अनुसार हाल करिब डेढ अर्बको तयारी पोसाक अमेरिका निर्यात भइरहेको छ । ‘भन्साररहित सुविधा पाएपछि पक्कै बजार बढ्छ,’ अमेरिकामा निर्यात गरिरहेको हेरिटेज गार्मेटका सञ्चालकसमेत रहेका अग्रवालले भने ।

यो सुविधाले अब नेपाली उत्पादन चीन, भारत, बंगलादेश जस्ता मुलुकभन्दा पनि १७ प्रतिशत सस्तो हुने भएकाले नेपाली सामानको माग बढ्ने अपेक्षा गरिएको हो । तयारी पोसाकमा अमेरिकाले औसतमा १७ प्रतिशत भन्सारलगायत महसुल लगाउँदै आएको थियो । अब भन्सार विन्दुमा कुनै पनि प्रकारको शुल्क तिर्नुपर्ने छैन ।

तयारी पोसाक पस्मिनाबाहेकका उत्पादनमा अमेरिकाले यसअघि पनि भन्साररहित सुविधा दिँदै आएको थियो । अमेरिकाको लगानी र व्यापार विस्तारका लागि सन् २०११ मा दुई देशबीच व्यापार तथा लगानीसम्बन्धी सम्झौता (टिफा) भएको थियो ।

टिफा सामान्य सम्झौता भएकाले त्यसमा टेकेर द्विपक्षीय व्यापार सम्झौताको पहल नेपालले गरिरहेको थियो । तर भूकम्पपछिको सहायता स्वरूप विश्वको ठूलो अर्थतन्त्रले द्विपक्षीय सम्झौता नै नभई भन्साररहित सुविधा दिएको छ ।

     -कान्तिपुर

वि.सं.२०७२ मंसिर २६ शनिवार ०८:१८ मा प्रकाशित

You can share this post!

सप्तरीमा एक पुरुषको घाँटी रेटेर हत्या

सप्तरीमा एक पुरुषको घाँटी रेटेर हत्या

वि.सं.२०७९ मंसिर १३ मंगलवार १९:०४

सप्तरी । सप्तरीमा घाँटी रेटेर एक जना पुरुषको हत्या भएको...

काठमाडौंबाट सिमरा उडेको बुद्धको जहाज अवतरण नगरेरै फिर्ता

काठमाडौंबाट सिमरा उडेको बुद्धको जहाज अवतरण नगरेरै फिर्ता

वि.सं.२०७९ मंसिर १३ मंगलवार १८:३४

काठमाडौं । काठमाडौंबाट सिमरा उडेको बुद्ध एयरको जहाज सिमरा अवतरण...

मेलम्चीको बहाव घटबढ हुन सक्ने भन्दै सतर्क रहन समितिको आग्रह

मेलम्चीको बहाव घटबढ हुन सक्ने भन्दै सतर्क रहन समितिको आग्रह

वि.सं.२०७९ मंसिर १३ मंगलवार १६:५६

काठमाडौं ।  मेलम्ची नदीमा पानीकाे बहाव घटबढ हुन सक्ने भन्दै स्थानीयवासीलाई सतर्कता...

मेगा बैंकको लाभांश राष्ट्र बैंकद्वारा परिमार्जन गरी स्वीकृत

मेगा बैंकको लाभांश राष्ट्र बैंकद्वारा परिमार्जन गरी स्वीकृत

वि.सं.२०७९ मंसिर १३ मंगलवार १६:०४

काठमाडौं । राष्ट्र बैंकले मेगा बैंक लिमिटेडको लाभांश स्वीकृत गरेको...

उठिवासको त्रासमा थापाथली : रातभर जाग्राम, दिनभर धर्नामा

उठिवासको त्रासमा थापाथली : रातभर जाग्राम, दिनभर धर्नामा

वि.सं.२०७९ मंसिर १३ मंगलवार १३:५५

काठमाडौं ।  सोमबार दिउँसो काठमाडौं महानगरेको टोली डोजरसहित थापाथलीको सुकुम्बासी...

एभरेष्ट बैंकले टाटाका विद्युतीय गाडी खरिदमा कर्जा दिने

एभरेष्ट बैंकले टाटाका विद्युतीय गाडी खरिदमा कर्जा दिने

वि.सं.२०७९ मंसिर १३ मंगलवार १३:४८

काठमाडौ । नेपालका लागि टाटा गाडीको आधिकारिक विक्रेता सिप्रदी ट्रेडिङ...