back
NMB ad

पेट्रोल पम्पमा रिमोट प्रकरण

Kumari bank ad

काठमाडौ । प्रहरीले पेट्रोल पम्पमा रिमोट राखेर ठगी गर्न संस्थागत रुपमा सघाएको आरोपमा गुणस्तर नापतौल विभागका पूर्व महानिर्देशक रामआधार साहलाई पक्राउ गरेको छ । महानगरीय प्रहरी अपराध महाशाखाले साहलाई काठमाडौंको गौशालामा लुकेर बसेको अवस्थामा उनलाई पक्राउ गरेको हो । उनी विभागमा रहँदा चिप्स जोडेर पम्पमा ठगी गर्ने गिरोहलाई संस्थागत रुपमा अघि बढाएको आरोपमा पक्राउ गरिएको प्रहरीले जनाएको छ ।

प्रहरीले एक महिना अघि पम्पमा चिप्स जोडेर रिमोटमार्फत उपभोक्तालाई कम तेल दिने पम्प संचालक र गिरोहलाई पक्राउ गरेको थियो । पम्प संचालक र प्रविधि जोड्न सघाउने गिरोहको बयानको आधारमा साह गुणस्तर तथा नापतौल विभागमा हुँदा यो प्रविधि भित्र्याउन

सहयोग पुयाएको पाइएपछि पक्राउ गरिएको महाशाखा प्रमुख सर्वेन्द्र खनालले जानकारी दिए ।

साह अहिले वातावारण मन्त्रालयका सहसचिव हुन् । दुई वर्षअघि भारतमा विशेष प्रहरी अपरेशनबाट लखेटिएका गिरोहको सहयोगमा प्रविधि जोडेर नेपालका पम्प संचालकले ठगी गर्न थालेका थिए । यो गिरोहका नाइके आयोब आलमले यो प्रविधि नेपालमा भित्र्याएका थिए । आलमलाई पनि प्रहरीले पक्राउ गरिसकेको छ ।

विभागले नसिम रावल सिद्धिकी भन्ने फर्म आयलको सर्भिस सेन्टरलाई उपत्यकाभरीको पम्प मर्मतको जिम्मा दिइएको थियो । उनी २०५० सालदेखिनै काठमाडौंका पम्प मर्मत गर्थे । उनले अर्थिकमार्फत कम परिमाणको तेल बिक्री गर्न सिकाएका थिए ।

सिद्धिकीको काठमाडौंका केही पम्पमा समेत लगानी रहेको स्रोतले बताएको छ । सिद्धिकीले मर्मतको जिम्मा पाएपनि पछिल्लो दुई वर्षदेखि आलमले रिमोटमार्फत तेल घटी बिक्री गर्ने चिप्स बिक्री गर्न थालेका थिए ।

सिद्धिकी र आलम मिलेर चिप्समा आधारित ठगीलाई फैलाउने काम गरेका थिए । काठमाडौं उपत्यकामा भाडामा लिएका पम्प संचालकले यो प्रविधि आलमसँग तीस हजारमा किनेका थिए । अहिले चिप्स जडान भएका धेरैजसो पम्प मासिक चार लाखसम्म भाडा लिएर संचालन भएका हुन् ।

स्रोतका अनुसार भाडामा लिएका र ठगीमा संलग्न भएका पम्पलाई आयल निगमको थानकोट डिपोबाट बढी परिमाणको तेल जाने गरेको थियो । “आयल निगम र पम्प संचालक समेतको सेटिङ्गमा धेरै तेल जाने गरेको थियो, निगमकै एक कर्मचारीले भने, “वर्षौदेखि भाडामा लिएको पम्पलाई धेरै तेल दिएर उपभोक्ता ठगीलाई निगमका उच्च तहका कर्मचारीले समेत सघाएका थिए ।”

विभागका तत्कालिन महानिर्देशक साहले यो प्रविधिमार्फत ठगी गरेको थाहा पाएपछि कारवाहीको साटो पम्प संचालकसँग मासिक रुपमा रकम उठाउन थालेको स्रोतले बतायो । स्रोतका अनुसार विभागमा रहँदा साहले चिप्स जोडेका पम्पमा बिक्री भएको तेलको परिमाणका आधारमा कमिसन लिने गरेका थिए ।

पक्राउ परेका संचालकले साहले संस्थागत रुपमा चिप्स जोड्न सघाएको बयान दिएको प्रहरी स्रोतले बतायो । विहार लगायतका सीमावर्ती क्षेत्रमा भारतीय प्रहरीको विशेष अपरेशनबाट असफल भएको प्रविधिलाई नेपालका पेट्रोल पम्प व्यवसायीले ठग्दै आएको पाइएको छ । सीमावर्ती क्षेत्रमा विशेष अपरेशनपछि सोही गिरोह नेपाल प्रवेश गरेको थियो ।

वि.सं.२०७२ मंसिर २८ सोमवार १२:१८ मा प्रकाशित

You can share this post!

आज यी १० कम्पनीमा झुम्मिए लगानीकर्ता, कुनको कति भयो कारोबार ?

आज यी १० कम्पनीमा झुम्मिए लगानीकर्ता, कुनको कति भयो कारोबार ?

वि.सं.२०८१ असार ४ मंगलवार १५:१२

काठमाडौं । साताको तेस्रो कारोबार दिन सेयर बजारमा दोहोरो अंकको...

सेयर बजारमा दोहोरो अंकको गिरावट, तीन कम्पनीको सेयरमा नकरात्मक सर्किट

सेयर बजारमा दोहोरो अंकको गिरावट, तीन कम्पनीको सेयरमा नकरात्मक सर्किट

वि.सं.२०८१ असार ४ मंगलवार १५:०६

काठमाडौं । साताको तेस्रो कारोबार दिन सेयर बजारमा दोहोरो अंकको...

बालबालिका खोजतलास कार्य अझै तीव्र बनाउन मन्त्री चौधरीको निर्देशन 

बालबालिका खोजतलास कार्य अझै तीव्र बनाउन मन्त्री चौधरीको निर्देशन 

वि.सं.२०८१ असार ४ मंगलवार १४:३१

जनकपुर, ४ असार । महिला, बालबालिका तथा ज्येष्ठ नागरिक मन्त्री भगबती चौधरीले...

पशुपति क्षेत्र विकास कोषले तिलगङ्गा आवास क्षेत्रका संरचना हटाउने   

पशुपति क्षेत्र विकास कोषले तिलगङ्गा आवास क्षेत्रका संरचना हटाउने   

वि.सं.२०८१ असार ४ मंगलवार १४:२५

काठमाडौँ, ४ असार : पशुपति क्षेत्र विकास कोषले काठमाडौँ महानगरपालिका–८...

एघार महिनामा सात अर्ब राजस्व सङ्कलन   

एघार महिनामा सात अर्ब राजस्व सङ्कलन   

वि.सं.२०८१ असार ४ मंगलवार १४:२२

अत्तरिया : कैलाली भन्सार कार्यालय धनगढीले ११ महिनामा रु सात...

चुरेबासीको माग सम्बोधन गर्न सांसदको आग्रह   

चुरेबासीको माग सम्बोधन गर्न सांसदको आग्रह   

वि.सं.२०८१ असार ४ मंगलवार १४:१७

काठमाडौँ, ४ असारः राष्ट्रियसभा सदस्यहरुले २७ दिनदेखि माइतीघर मण्डलामा आन्दोनरत...