back
Mega Long Ad

काँग्रेसमा सदावहार मन्त्री र केन्द्रीय सदस्यलाई बिदा गरौँ अभियान

congressकाठमाडौ । नेपाली काँग्रेस आफ्नो १३ औँ महाधिवेशनको संघारमा छ । फागुनमा हुने महाधिवेशनका लागि आफ्ना पक्षमा महाधिवेशन प्रतिनिधि पार्न नेताहरुको दौडधूप भइरहेको छ । पार्टीमा सदावहार सभापतिका रुपमा सुशील कोइरालामा दोहोरिने चाहना छदैँछ, त्यसपछि सदावहार सभापतिका उम्मेदवार शेरबहादुर देउवा यसपटक सभापति नै हुने दाउमा छन् भने जीवनभर कोइराला परिवारको काँध थापेर हिँडे पनि प्रधानमन्त्री र सभापतिको कुर्सीमा पुग्न नसकेका उपसभापति रामचन्द्र पौडेल पनि यसपटक सभापति पदका लागि मुख मिठ्याइरहेका छन् ।
०४६ को परिवर्तनपछि आजीवन सत्तामा बसेर सुखभोगको चास्नीमा डुब्ने नेताहरुले राजधानीमा आलिशान महल ठड्याएका छन् । आफ्ना परिवारलाई राम्रो ठाउँमा पठाएका छन् । पैसा कमाएका छन् । कार्यकर्ता पनि बनाएका छन् । कोही भने काँग्रेसमा लागेबापत साह्रै दुःख खेपेर पनि बस्न बाध्य छन् । कयौँ कार्यकर्ता जनयुद्धका नाममा माओवादीबाट काँक्रो चिरिए झैँ चिरिए, मारिए । घरबार हडपिए । सडकमा पु¥याइए । ती कार्यकर्ताको पीडाको घाउमा अहिलेसम्म खाटा बस्न सकेको छैन ।

यस्तो बेला १३ औँ महाधिवेशनमा होमिएको नेपाली काँग्रेसमा ‘इमानदार र सादगी नेता जिताऔँ’ भन्दै केही नेताले नयाँ अभियान थालेका छन् । काँग्रेस पनि सुधार्ने, त्यो पनि नेतागण भन्दै हासिमजाकमा उडाउने प्रयास भए पनि अहिले ती नेताहरुले थालेको अभियान देशव्यापी बन्दैछ भने सदावहार सत्तामा रहेका केही नेताहरुको ओठतालु पनि सुक्न थालेको छ । १२ मंसिरदेखि सुशीलमान शेरचन, रेवती भूषाल, रामकृष्ण ताम्राकार, पद्मनारायण चौधरीले यो अभियान थालेका हुन् ।

उनीहरुले थालेको अभियानमा अहिले २ सय कार्यकर्ता आबद्ध छन् । जो नेपाली काँग्रेसको आगामी महाधिवेशनमा प्रतिनिधि पनि हुनेछन् । उनीहरुले थालेको अभियानअन्तर्गत मंगलबार काठमाडौँको दियालो पार्टी प्यालेसमा जनजातिका नेता कार्यकर्तासँग भेटघाट राखिएको छ । यसैगरी अभियान देशव्यापी बनाउने भन्दै पुस महिनाभर मेची महाकाली अभियानमा उनीहरु लाग्ने भएका छन् । यो अभियानमा केही नेता सधैँ काँग्रेसमा सदावहार मन्त्री र केही नेता सदावहार केन्द्रीय सदस्य रहँदा इमानदार नेता कार्यकर्ताको पालो नआएको भन्दै जेहाद छेडिने तयारी छ ।

चुनावताका पार्टीका घोषणापत्रमा उल्लेख कुरा बिर्सेर र पार्टीका नीति तथा कार्यक्रम भूलेर आफन्त र परिवारवाद भन्दै रमाउने नेताहरुलाई यसपटक पार्टीमा बिदा दिउँ भन्ने अभियानसहित सुरु भएको यो दौडधूपले धेरै नेताहरुलाई पसिना छुटाएको छ । सत्ता र शक्तिमा बसेका नेताहरुलाई महाधिवेशनबाटै लखेटौँ भन्ने मनसायका साथ सुरु भएको यो अभियानमा धेरै कार्यकर्ता समेटिने र पार्टीका त्रिवेणी, चौतारा, चौतारिया, काजी बनेर सधैँ शक्तिमा रहिरहेका नेता पहिलो निसाना बन्ने खतरा देखिएको छ ।

 

नेताहरुले थालेको यो अभियानमा समाहित हुन देशभरको कार्यकर्ताको फोन आइरहेको छ भने यस्तो अभियान चुनावका बेला नचलाइदिन पनि फोन आउने थालेको अभियन्ताहरुले बताएको समाचार सदावहार साप्ताहिकले छापेको छ ।

वि.सं.२०७२ मंसिर २८ सोमवार १६:०८ मा प्रकाशित

You can share this post!

दुग्ध प्रशोधन केन्द्र चलाउँदै सहकारी

दुग्ध प्रशोधन केन्द्र चलाउँदै सहकारी

वि.सं.२०७८ कात्तिक ६ शनिवार १७:१९

तनहुँ । तनहुँको एक सहकारीले दुग्ध प्रशोधन केन्द्र सञ्चालन गर्ने...

महोत्तरीमा तीन हजार ७० हेक्टर धान बालीमा क्षति

महोत्तरीमा तीन हजार ७० हेक्टर धान बालीमा क्षति

वि.सं.२०७८ कात्तिक ६ शनिवार १६:५५

महोत्तरी । बेमौसमी बर्षाका कारण महोत्तरीमा ३ हजार ७२ हेक्टर...

गौतमबुद्ध अन्तर्राष्ट्रिय विमानस्थल निर्माणमा ढिलाई हुँदा भारतलाई फाइदा

गौतमबुद्ध अन्तर्राष्ट्रिय विमानस्थल निर्माणमा ढिलाई हुँदा भारतलाई फाइदा

वि.सं.२०७८ कात्तिक ६ शनिवार १२:५१

बुटवल । भैरहवामा निर्माणाधीन गौतमबुद्ध अन्तर्राष्ट्रिय विमानस्थल समयमै निर्माण सम्पन्न...

गभर्नर अधिकारीको आश्वासनः लगानीमा ब्याजदर बढ्दैन

गभर्नर अधिकारीको आश्वासनः लगानीमा ब्याजदर बढ्दैन

वि.सं.२०७८ कात्तिक ६ शनिवार ११:५९

काठमाडौं । नेपाल राष्ट्र बैंकका गभर्नर महाप्रसाद अधिकारीले तत्काल लगानीमा...

बाढी, पहिरो र डुबानमा परी १११ जनाको मृत्यु, ४२ जना घाइते, ३७ जना बेपत्ता

बाढी, पहिरो र डुबानमा परी १११ जनाको मृत्यु, ४२ जना घाइते, ३७ जना बेपत्ता

वि.सं.२०७८ कात्तिक ५ शुक्रवार १६:५०

काठमाडौं । अविरल वर्षाको कारण कात्तिक १ गतेदेखि देशका विभिन्न...

शनिबार पनि आरटिजीएस प्रणाली चल्ने

शनिबार पनि आरटिजीएस प्रणाली चल्ने

वि.सं.२०७८ कात्तिक ५ शुक्रवार १६:३९

काठमाडौं । शनिबार पनि आरटिजीएस (रियल टाइम ग्रस सेटलमेन्ट) प्रणाली...