काठमाण्डौ । सिभिल बैंकले लगानीकर्तालाई गत बर्षको नाफाबाट ६.७५ प्रतिशत बोनस शेयर दिने प्रस्ताव गरेको छ । बैंक संचालक समितिको बैठकले बोनस शेयर प्रस्ताव गरेको नेपाल स्टक एक्सचेन्जले जनाएको छ । दुई अर्ब ८८ करोड रुपैयाँ चुक्ता पूँजी रहेको सिभिलले गत आर्थिक बर्षमा २३ करोड खुद नाफा गरेको थियो । बोनस शेयर वितरणपछि बैंकको चुक्तापूँजी तीन अर्ब १० करोड हाराहारीमा पुग्ने छ ।
धेरै चुक्ता पूँजी रहेको एउटा फाईनान्सलाई आफुमा गाभ्ने बारेमा छलफल चलाईरहेको सिभिलले केही साना कम्पनीहरुलाई गाभेर आफै आठ अर्ब चुक्तापूँजी भएको बाणिज्य बैंक बन्ने प्रयास अघि बढाएको छ तर राम्रा कम्पनीहरु अन्य बाणिज्य बैंकहरुसँग मिसिने पक्का गरिसकेकाले सिभिललाई मुस्किल पर्ने संकेत देखिएको छ ।
एमाले सभासद् एव. व्यवसायी ईच्छाराज तामाड अध्यक्ष रहेको बैंकले हकप्रद शेयर जारी गरेर पूँजी थप्ने संभावना भने कमजोर रहेको बताईन्छ ।
उता बिराटलक्ष्मी बिकास बैंकले लगानीकर्तालाइृ २५ प्रतिशत बोनस दिने प्रस्ताव गरेको छ ।
वि.सं.२०७२ मंसिर २८ सोमवार १६:२४ मा प्रकाशित