back
NMB ad

पेट्रोलियमको आयात ६१ प्रतिशतले घट्यो, ४ महिनामा साढे १ अर्वको भित्रियो

Kumari bank ad

काठमाडौं । भारतीय अघोषित नाकाबन्दीले सीमा अवरोध हुँदा पेट्रोेलियम पदार्थको आयात घटेको छ । नेपाल राष्ट्र बैंकले बुधवार सार्वजनिक गरेको तथ्यांक अनुसार चालु आर्थिक बर्षको ४ महिनामा १ अर्व ५३ करोड ७३ लाख बराबरको पेट्रोलियम आयात भएको छ ।

जुन गत आवको सो अवधिको तुलनामा ६१ दशमलव ८ प्रतिशतले कम हो । गत आवको ४ महिनामा ४ अर्व २ करोड ७६ लाख बराबरको पेट्रोलियम आयात भएको थियो ।

गत बर्ष जम्मा ३७ अर्व १६ करोड ३६ लाख बराबरको पेट्रोलियम पदार्थ आयात भएको थियो ।petrol-nozel

व्यापार घाटा ३८ प्रतिशतले घट्यो

यता तराईको आन्दोलन तथा भारतीय अघोषित नाकाबन्दीले गर्दा गत ४ महिनामा नेपालको आयात र निर्यात दुवै घटेको छ । नेपाल राष्ट्र बैंकले बुधवार जारी गरेको तथ्यांकले यस्तो देखाएको हो ।

प्रतिवेदन अनुसार आर्थिक वर्ष २०७२÷७३ को चार महिनामा कुल वस्तु आयात ३६ दशमलव ८ प्रतिशतले घटेको छ । वस्तुको आयात घटेर १ सय ६० अर्ब ९९ करोडमा झरेको छ । अघिल्लो वर्षको सोही अवधिमा यस्तो आयात २२ दशमलव ४ प्रतिशतले वृद्धि भई रु. २ सय ५४ अर्ब ६६ करोड पुगेको थियो ।

भारततर्फको सीमा नाकाहरुमा अवरोध हुँदा आपूर्ति व्यवस्थामा समस्या उत्पन्न भएकोले पेट्रोलियम पदार्थको आयात घटेकोले समीक्षा अवधिमा समग्र आयातको वृद्धिदर नकारात्मक रहन गएको बताइएको छ ।

सो अवधिमा भारततर्फको आयात ४१ दशमलव ८ प्रतिशतले घटेको छ । भारतबाट मुख्यतया पेट्रोलियम पदार्थ, यातायातका साधन तथा पार्टपूर्जा, एमएसविलेट, मेशीनरी तथा पार्टपूर्जालगायत वस्तुको आयात घटेको प्रतिवेदनले देखाएको छ ।

त्यस्तै चीनबाट भएको आयात २२ दशमलव ३ प्रतिशतल त्यस्तै चीनबाट मेशीनरी पार्टपूर्जा, टेलिभिजन तथा पार्टपूर्जा, स्टिल रड तथा शीट, विद्युतीय सामाग्री लगायतका वस्तुहरुको आयातमा ह्रास आएको छ । अन्य मुलुकबाट भएको आयात ३१ दशमलव १ प्रतिशतले घटेको छ । अन्य मुलुकबाट चाँदी, कच्चा भटमासको तेल, खाने तेल, कच्चा पाम तेल लगायतका वस्तुहरुको आयात घटेको छ ।

त्यसैगरी सो अवधिमा वस्तु निर्यात २९ दशमलव १ प्रतिशतले ह्रास आएको प्रतिवेदनले देखाएको छ । नेपालबाट वस्तुको निर्यात रु २० अर्ब ९६ करोडमा सीमित भएको छ । अघिल्लो वर्षको सोही अवधिमा रु २९ अर्ब ५५ करोड रहेको थियो ।

कुल वस्तु निर्यातमध्ये भारततर्फको निर्यात ३८ दशमलव ७ प्रतिशतले घटेको छ । त्यस्तै चीनतर्फको निर्यात ६७ दशमलव ९ प्रतिशतले र अन्य मुलुकतर्फको निर्यात ७ दशमलव ८ प्रतिशतले घटेको छ ।

भारततर्फ जिङ्क शीट, लत्ताकपडा, जुस, जिआई पाइप लगायतका वस्तुहरुको, चीनतर्फ प्रशोधित छाला, चाउचाउ, तयारी पोशाक, लगायतका वस्तुहरुको र अन्य मुलुकतर्पm दाल, प्रशोधित छाला, चिया, हस्तकलाका सामान लगायतको निर्यात घटेको छ ।

समीक्षा अवधिमा कुल वस्तु व्यापार घाटा ३७ दशमलव८ प्रतिशतले घटी रु १ सय ४० अर्ब ४ करोडमा सीमित भएको छ । अघिल्लो वर्षको सोही अवधिमा यस्तो व्यापार घाटा २६ दशमलव १ प्रतिशतले बढेको थियो । कुल वस्तु व्यापार घाटामध्ये समीक्षा अवधिमा भारत, चीन र अन्य मुलुकसँगको व्यापार घाटा क्रमशः ४२ दशमलव१ प्रतिशत, २०दशमलव ६ प्रतिशत र ३६ प्रतिशतले घटेको छ ।

वि.सं.२०७२ पुस २ बिहीवार ०८:३४ मा प्रकाशित

You can share this post!

एनसेलको सुलभ अन्तर्राष्ट्रिय डेटा रोमिङ प्याकका साथ रहनुहोस् सधैं अन, के-के छन् सुविधा ?

एनसेलको सुलभ अन्तर्राष्ट्रिय डेटा रोमिङ प्याकका साथ रहनुहोस् सधैं अन, के-के छन् सुविधा ?

वि.सं.२०८१ जेठ १७ बिहीवार ०६:३५

काठमाडौं । निजी क्षेत्रको टेलिकम्युनिकेसन सेवा प्रदायक कम्पनी एनसेलले सुलभ...

नेपालगञ्जमा यसवर्षकै बढी गर्मी   

नेपालगञ्जमा यसवर्षकै बढी गर्मी   

वि.सं.२०८१ जेठ १७ बिहीवार ०६:२१

नेपालगञ्ज, १६ जेठ : नेपालगञ्जमा बुधबार यस वर्षकै सबैभन्दा बढी...

आज १७ जेठ २०८१ बिहिवार, थाहा पाउनुहोस् आजको राशिफल

आज १७ जेठ २०८१ बिहिवार, थाहा पाउनुहोस् आजको राशिफल

वि.सं.२०८१ जेठ १७ बिहीवार ०६:१६

मेष मेष (चु, चे, चो, ला, लि, लु, ले, लो,...

पर्यटन राजधानी पोखराः अनुशासन र नैतिकताको सहर   

पर्यटन राजधानी पोखराः अनुशासन र नैतिकताको सहर   

वि.सं.२०८१ जेठ १६ बुधवार २०:३८

गण्डकी, १६ जेठ : “पोखरालाई अनुशासन र नैतिकताको सहर बनाउनुपर्छ,...

स्वास्थ्य अवस्थाका कारण हाजिरी जमानीमा छुटे कैलाश सिरोहिया

स्वास्थ्य अवस्थाका कारण हाजिरी जमानीमा छुटे कैलाश सिरोहिया

वि.सं.२०८१ जेठ १६ बुधवार २०:२२

काठमाडौं । कान्तिपुर मिडिया ग्रुपका अध्यक्ष कैलाश सिरोहिया ९ दिनपछि...

विश्व कीर्तिमानी कायम गर्न कालापत्थरमा रेस्लिङ   

विश्व कीर्तिमानी कायम गर्न कालापत्थरमा रेस्लिङ   

वि.सं.२०८१ जेठ १६ बुधवार १८:३८

कालापत्थर (सोलुखुम्बु), १६ जेठः विश्वकै अग्लो स्थानमा रेस्लिङ खेलेर कीर्तिमानी...