back
mega bank Ad
Hero Ad

सशस्त्र प्रहरी प्रमुख वन्तलाई निलम्बन गर्न अख्तियारले गर्यो सिफारिस

काठमाडौं । अख्तियार दुरुपयोग अनुसन्धान आयोगले भ्रष्टाचार गरेको अभियोगमा सशस्त्र प्रहरी महानिरीक्षक कोषराज वन्तलाई निलम्बन गर्न सिफारिस गरेको छ ।Koshraj-OntaAPF

सशस्त्र प्रहरीको सामान ढुवानीमा नक्कली बिल बनाएर करोडौं भ्रष्टाचार गरेको देखिन आएको अख्तियारले जनाएको छ । आर्थिक वर्ष २०६९०७० र ०७०र०७१ का लागि खरिद गरिएको सामान भन्दा बढी देखाएर झुटो बिल तथा पत्रहरु तयार गरेको र ढुवानीकर्ता सदाज्योती सप्लायर्ससँग मिलेमतो गरी आर्थिक अनियमिता गरेको अभिययोग छ ।
यसमा वन्तको प्रत्यक्ष संलग्नता देखिएको अख्तियारले बताएको छ । उसले सशस्त्र प्रहरी महानिरीक्षक वन्तलाई आजकै मितिदेखि लागू हुने गरी निलम्बन गर्न प्रधानमन्त्री कार्यालयलाई लेखी पठाएको छ ।
अख्तियारले नाायब उपरीक्षक सुमनजंग थापा र रामकृष्ण महर्जन, प्रहरी निरीक्षक विनबहादुर थापालाई पनि निलम्बन गर्न गृह मन्त्रालय र सशस्त्र प्रहरी मुख्यालय हलचोकलाई सिफारिस गरेको छ ।
उनीहरु पदमा बहाल रहँदा आफ्नोविरुद्धको प्रमाण नष्ट गर्न सक्ने र अनुसन्धानमा बाधा पुग्ने अख्तियारले बताएको छ ।

अख्तियारको प्रेश विज्ञप्ती
(२०७२।०९।०२ गते ।
…………………………
सशस्त्र प्रहरी बल, नेपालका सशस्त्र प्रहरी महानिरीक्षक कोषराज वन्त लगायतलाई निलम्बनको लागि लेखि पठाईएको सम्बन्धमा ।
…………………………………
सशस्त्र प्रहरी बल हलचोकले आ।व। ०६९।०७० र ०७०।०७१ मा खरीद भएका सामान ढुवानी गरी अधिराज्यभर आफ्नो युनिटमा पठाउन टेण्डर आव्हान गरी सदाज्योती सप्लायर्स संग सम्झौता गरेकोमा सो सम्झौता बमोजिम ढुवानी नगरी नक्‍कली बिल बनाई करोडौ भ्रष्टाचार गरेको भन्‍ने लगायतका आयोग समक्ष पर्न आएका उजुरी निवेदनहरु मध्ये ढुवानीमा व्यापक आर्थिक अनियमितता भएको भन्‍ने उजुरी उपर विस्तृत अनुसन्धान तहकिकातको क्रममा हाल सम्म संकलित सबुत प्रमाणहरुबाट निवेदनमा उल्लेखित जिकिर अनुरुप उल्लेखित आ।व।हरुमा खरिद गरिएका सामानहरु भन्दा अस्वभाविक बढि सामानहरु ढुवानी गरेको देखाई झुठ्ठा बिल तथा पत्रहरु तयारी गरी सम्झौता विपरित ढुवानीकर्ता संग मिलेमतो गरी ब्यापक आर्थिक अनियमितता गरेको पाइएकोले यसमा सशस्त्र प्रहरी महानिरीक्षक कोषराज वन्त समेतको प्रत्यक्ष संलग्नता रहे भएको देखिन आएकोले ततसम्बन्धमा अझै थप प्रमाण कागजातहरु संकलन गर्नुपर्ने भएको हुँदा आर्थिक अनियमितता तथा भ्रष्टाचारजण्य कार्यमा प्रतक्ष्य संलग्न रहेका देखीएका सशस्त्र प्रहरी महानिरीक्षक कोषराज वन्त¸ सशस्त्र प्रहरी नायब उपरीक्षक द्वय सुमनजंग थापा र रामकृष्ण महर्जन तथा सशस्त्र प्रहरी निरीक्षक विन बहादुर थापा समेतका प्रहरी कर्मचारीहरु पदमा बहाल रहि रहँदा आफ्‍नो विरुद्धको प्रमाण लोप वा नास गर्न सक्ने र अनुसन्धान तहकिकातको कार्यमा समेत बाँधा व्यवधान पुर्‍याउन सक्ने मनासिव कारण देखिएकोले निज सशस्त्र प्रहरी महानिरीक्षक कोषराज वन्त¸ सशस्त्र प्रहरी नायब उपरीक्षक द्वय सुमनजंग थापा र रामकृष्ण महर्जन तथा सशस्त्र प्रहरी निरीक्षक विन बहादुर थापा समेतलाई अख्तियार दुरुपयोग अनुसन्धान आयोग ऐन, २०४८ को दफा १९ को खण्ड ९३० बमोजिम आजैका मितिवाट निलम्बन गर्न सशस्त्र प्रहरी महानिरीक्षक कोषराज वन्तको हकमा नेपाल सरकार, प्रधानमन्त्री तथा मन्त्री परिषदको कार्यालय सिंहदरबार तथा सशस्त्र प्रहरी नायब उपरीक्षक द्वय र सशस्त्र प्रहरी निरीक्षकको हकमा गृह मन्त्रालय, सिंहदरवार र सशस्त्र प्रहरी बल प्रधान कार्यालय, स्वयंम्भु, काठमाण्डौलाई आयोगको मिति २०७२।०९।०२ को निर्णयअनुसार लेखी पठाइएको छ ।)

वि.सं.२०७२ पुस २ बिहीवार १६:४८ मा प्रकाशित

You can share this post!

सप्तरीमा एक पुरुषको घाँटी रेटेर हत्या

सप्तरीमा एक पुरुषको घाँटी रेटेर हत्या

वि.सं.२०७९ मंसिर १३ मंगलवार १९:०४

सप्तरी । सप्तरीमा घाँटी रेटेर एक जना पुरुषको हत्या भएको...

सुनसरी ३ मा विजय गच्छदारलाई पराजित गर्दै एमालेकी भगवती चौधरी विजयी

सुनसरी ३ मा विजय गच्छदारलाई पराजित गर्दै एमालेकी भगवती चौधरी विजयी

वि.सं.२०७९ मंसिर १३ मंगलवार १८:५४

काठमाडौं । सुनसरी निर्वाचन क्षेत्र नम्बर ३ मा नेकपा एमालेकी...

काठमाडौंबाट सिमरा उडेको बुद्धको जहाज अवतरण नगरेरै फिर्ता

काठमाडौंबाट सिमरा उडेको बुद्धको जहाज अवतरण नगरेरै फिर्ता

वि.सं.२०७९ मंसिर १३ मंगलवार १८:३४

काठमाडौं । काठमाडौंबाट सिमरा उडेको बुद्ध एयरको जहाज सिमरा अवतरण...

मेलम्चीको बहाव घटबढ हुन सक्ने भन्दै सतर्क रहन समितिको आग्रह

मेलम्चीको बहाव घटबढ हुन सक्ने भन्दै सतर्क रहन समितिको आग्रह

वि.सं.२०७९ मंसिर १३ मंगलवार १६:५६

काठमाडौं ।  मेलम्ची नदीमा पानीकाे बहाव घटबढ हुन सक्ने भन्दै स्थानीयवासीलाई सतर्कता...

कांग्रेसमा प्रधानमन्त्री दाबी गर्ने संख्या बढेपछि अगाडि सरेनन् प्रचण्ड र माधव नेपाल

कांग्रेसमा प्रधानमन्त्री दाबी गर्ने संख्या बढेपछि अगाडि सरेनन् प्रचण्ड र माधव नेपाल

वि.सं.२०७९ मंसिर १३ मंगलवार १६:२९

काठमाडौं । प्रतिनिधिसभा निर्वाचनको मतगणना अन्तिम चरणमा पुगेको छ ।...

मेगा बैंकको लाभांश राष्ट्र बैंकद्वारा परिमार्जन गरी स्वीकृत

मेगा बैंकको लाभांश राष्ट्र बैंकद्वारा परिमार्जन गरी स्वीकृत

वि.सं.२०७९ मंसिर १३ मंगलवार १६:०४

काठमाडौं । राष्ट्र बैंकले मेगा बैंक लिमिटेडको लाभांश स्वीकृत गरेको...