वीरगञ्ज । नेपालको संविधान जारी भएपछि अबरुद्ध वीरगञ्ज नाका खुलेको र नाकाबन्दी बिरस्तारै खुल्ने चर्चा चलिरहेको बेला वीरगञ्ज भन्सार कार्यालयका कर्मचारीले नाकाबन्दी नखुलेको जानकारी दिएका छन् ।
मधेसी मोर्चाले नाकामा धर्ना दिन थालेपछि आसोज ७ गते यता आज बिहान पहिलोपटक वीरगन्ज भन्सार हुँदै ५ वटा मालवाहक ट्रक नेपाल भित्रिएपछि नाकाबन्दी खुलेको हल्ला चलेको थियो । तर नाकाबन्दी नखुलेको र बिहान ६ बजेको समयमा नाका सुनसान भएको मौका छोपी भारतीय पक्षले ५ वटा गाडी पठाएको र नेपालतर्फ रोकिराखिएको ५ वटा खाली ट्रक तथा २ वटा जीप भारत तर्फ गएको कर्मचारीहरुले बताए ।
वीरगञ्ज भन्सार कार्यालयका कर्मचारीका अनुसार नाकामा कोही नभएको बेला उताबाट र यताबाट गाडीहरु पठाइएको हो । नाकाबन्दी खुलेको हैन ।
माघ १५, २०७२ । १०.४५
वि.सं.२०७२ माघ १५ शुक्रवार १०:३८ मा प्रकाशित
