काठमाडौं। काष्ठमण्डप डेभलपमेन्ट बैंकले सानोभर्याङ चोकमा रहेको शाखाबाट वित्तीय कारोबार थालेको छ।
भूकम्पका कारण भवन भत्किँदा बैंकले काउण्टरमार्फत वित्तीय कारोबार गर्दै आएकोमा फेरि शाखा खोली कारोबार थालिएको बैंकले जनाएको छ। न्यूरोडमा केन्द्रीय कार्यालय रहेको बैंकको १९ शाखा सञ्चालनमा छन्।
बैंकले चालू आर्थिक वर्षको पहिलो ६ महिनाको अवधिमा १५ करोड ६७ लाख रुपैयाँ खुद नाफा गरेको छ। बैंकले यो अवधिमा पाँच अर्ब ८५ करोड रुपैयाँ निक्षेप संकलन गरी चार अर्ब ७८ करोड रुपैयाँ कर्जा प्रवाह भएको छ। हाल बैंकको निष्क्रिय कर्जा अनुपात ३ प्रतिशत रहेको छ ।
बैंकले सातवटा एटिएम तथा इ–बैंकिङ, एसएमएस बैंकिङ तथा स्वीफ्टलगायतका सेपा उपलब्ध गराउँदै आएको जनाएको छ। बैंकले केही शाखाबाट सुनकर्जा पनि उपलब्ध गराउँदै आएको छ।
१५, माघ २०७२
वि.सं.२०७२ माघ १६ शनिवार १०:०२ मा प्रकाशित
