back
NMB ad

गाउँ नगरमा काँग्रेस संस्थापन र देउवा पक्षको कडा टक्कर

Kumari bank ad

नवलपरासी । नेपाली काँग्रेसको १३ औं राष्ट्रिय महाधिबेशनका लागि गाउँ नगर निर्वाचनमा संस्थापन पक्ष र देउवा पक्षको कडा टक्कर देखिएको छ । माघ १५ र १६ गते भएको निर्वाचनमा यस्तो देखिएको हो ।

सात वटा नगरपालिका रहेको नवलपरासीमा गैंडाकोटबाट तारापति खरेल, देवचुलीबाट पूर्णकुमार श्रेष्ठ, कावासोतीबाट मुकुन्द भट्टराई, मध्यबिन्दुबाट दुमन भण्डारी, बर्दघाटबाट शम्भुलाल श्रेष्ठ, सुनवलबाट सोमबहादुर रायमाझी ( पप्पु) र रामग्राम नगरपालिकाबाट नारायण रेग्मी सभापतिमा निर्वाचित भएका छन् । गैडाकोट , देवचुली , मध्यबिन्दु र सुनवलबाट नगर सभापति निर्बिरोध निर्वाचित भएका हुन् ।

वर्दघाटबाट निर्वाचित शम्भुलाल श्रेष्ठ , सुनवलका रायमाझी, र रामग्रामका रेग्मी देउवा पक्षका हुन् । रायमाझी निर्बिरोध निर्वाचत भएका हुन् । श्रेष्ठले संस्थापनका इन्द्र सापकोटा र रेग्मीले उमेश पौडेललाई अत्याधिक मत अन्तरले हराएका हुन् ।

कावासोतीका मुकुन्द भट्टराईले अमृत श्रेष्ठलाई पराजित गरी सभापति भएका हुन् । उनले १४८६ मतमा ८३९ मत ल्याएर बिजयी भएका हुन । श्रेष्ठले ५६८ मत पाएका थिए । सचिवमा श्याम बस्ताकोटीले ८४५ मत पाएर विजयी भएका छन् भने अर्का उम्मेदवार सालिकराम सापकोटाले ५१६ मत पाएका छन् । काँग्रेसको गाउँ र नगरमा प्रत्यक्ष सभापति , सचिव र कोषाध्यक्ष निर्वाचित भएका छन् । सभापतिमा निर्वाचित भट्टराई र सचिवमा निर्वाचित बस्ताकोटी संस्थापन पक्षका हुन् ।

महाधिबेशन प्रतिनिधिद्धय झपेन्द्रश्वर भुसाल, जनकराज ढुङ्गाना, जिल्ला सदस्य महेन्द्र पोखरेल, नेपाल शिक्षक संघकी नेतृ बिष्णु पाण्डे, वर्डाबाटै पराजित भएका छन् । पराजित पोखरेल बाहेक सबै संस्थापनका हुन् ।

माघ २२ गते क्षेत्र र २५ गते जिल्ला अधिबेशन हुदैछ । जिल्ला अधिबेशनमा झण्डै एक हजार पचास प्रतिनिधि सहभागी हुने छन् । क्षेत्र नं. १, २, र ३ मा संस्थापन पक्ष बलियो देखिएको तर क्षेत्र नं. ३ मा देउवा पक्षले आफ्नो अवस्था सुधारिएको जनाएको छ । ४, ५ र ६ मा देउवा पक्ष हावी रहेका छन् । तर संस्थापन पक्षले ६ नम्बर क्षेत्रमा आफ्नो पकड रहेको दावी गरेको छ ।

सभापतिको उम्मेदवारमा संस्थापनबाट महेन्द्रध्वज जिसी र देउवा पक्षबाट देवेन्द्रराज कँडेल चुनावी प्रतिस्पर्धामा छन् । कँडेल वर्तमान सभापति हुन् । वर्तमान सचिव बिष्णु लामिछाने पनि सभापतिका बलिया दावेदार हुन् । उनलाई पितृशोक परेकाले उनको उम्मेदवार कस्तो हुने हो भन्ने छ स्रोतले भन्यो ।

१७ माघ २०७२ /१०:४६:३६

वि.सं.२०७२ माघ १७ आइतवार १०:५१ मा प्रकाशित

You can share this post!

दाङमा रासायनिक मल अभाव नहुने   

दाङमा रासायनिक मल अभाव नहुने   

वि.सं.२०८१ असार ७ शुक्रवार २१:०५

देउखुरी (दाङ), ७ असार : दाङमा यस वर्ष धानखेतीका लागि...

एघार महिनामा १३ खर्ब १४ अर्बको व्यापार घाटा, भारतसँग मात्र आठ खर्ब १३ अर्ब    

एघार महिनामा १३ खर्ब १४ अर्बको व्यापार घाटा, भारतसँग मात्र आठ खर्ब १३ अर्ब    

वि.सं.२०८१ असार ७ शुक्रवार २०:५९

काठमाडौँ, ७ असार : चालु आर्थिक वर्ष २०८०/८१ को ११...

निजामती विधेयक संसद्को चालु अधिवेशनबाटै पारित गर्ने तयारी 

निजामती विधेयक संसद्को चालु अधिवेशनबाटै पारित गर्ने तयारी 

वि.सं.२०८१ असार ७ शुक्रवार १७:५५

काठमाडौँ, ७ असार : सङ्घीय मामिला तथा सामान्य प्रशासनमन्त्री भानुभक्त...

काठमाडौँमा जारी विश्व बैंकको कुम्भमेला सकियो, नेपाललाई के भयो फाइदा ?

काठमाडौँमा जारी विश्व बैंकको कुम्भमेला सकियो, नेपाललाई के भयो फाइदा ?

वि.सं.२०८१ असार ७ शुक्रवार १७:५०

काठमाडौँ । विश्व बैंक समूहअन्तर्गतको अन्तर्राष्ट्रिय विकास संघ (आईडीए–२१) को...

ग्राहकलाई एनआईसी एशिया बैंकले गर्यो यस्तो अनुरोध

ग्राहकलाई एनआईसी एशिया बैंकले गर्यो यस्तो अनुरोध

वि.सं.२०८१ असार ७ शुक्रवार १७:४२

काठमाडौं । एनआईसी एशिया बैंक ग्राहकहरूलाई आफ्नो खातामा स्थायी लेखा...

टेलिकमद्वारा माछापुच्छ्रे बेस क्याम्प तथा अन्नपूर्ण बेस क्याम्प क्षेत्रमा मोबाइल सेवा विस्तार

टेलिकमद्वारा माछापुच्छ्रे बेस क्याम्प तथा अन्नपूर्ण बेस क्याम्प क्षेत्रमा मोबाइल सेवा विस्तार

वि.सं.२०८१ असार ७ शुक्रवार १७:३१

काठमाडौं । नेपाल टेलिकमले मुलुककै प्रमुख पर्यटकीय गन्तव्यको रुपमा रहेको...