वीरगञ्ज । रक्सौल-वीरगञ्जको मितेरी पुलको अवरोध आज मध्याहृनबाट हटेको छ । स्थानीय र व्यवसायीले नाकाको धर्नामा राखिएको पाल हटाएपछि रक्सौल नाका भएर ट्रक आउन थालेका छन् ।
असोज ७ गतेदेखि मधेसी मोर्चाको धर्नाले अबरुद्ध नाकाबाट ४ महिनापछि एक दर्जन कन्टेनर नेपाल छिरेका छन् ।
मधेसी मोर्चाले नाकामा धर्ना बस्नका लागि नेपाल–भारत सीमा दसगजाको मितेरी पुलमा टाँगेको पाललाई दुवैतिरका स्थानीय र व्यवसायीले शुक्रबार जलाइदिएका थिए । पुलमा राखिएको बाटो छेक्ने ढाट पनि हटाइएको छ ।
माघ २२, २०७२/२.००
वि.सं.२०७२ माघ २२ शुक्रवार १४:३४ मा प्रकाशित
