काठमाडौँ । शुक्रबार राति गएको भूकम्पमा भागदौड गर्दा राजधानीमा १४ जना घाइते भएका छन् ।
महानगरीय प्रहरी रानीपोखरीका अनुसार प्रारम्भिक विवरणमा १४ जना घाइते भएको सूचना मिलेको प्रहरीले जनाएको छ ।
काठमाडौँको अनामनगरमा मात्रै पाँच जना घाइते भएका छन् । अनामनगरमा केही घरमा आंशिक क्षति भएको छ । त्यहाँ बस्नेमध्ये पाँच जनालाई चोट लागेको छ । सुत्ने तरखरमा रहेका उनीहरुलाई राति १० बजेर ५ मिनेटमा गएको भूकम्पले कडा धक्काबाट घरमा भएको क्षतिले घाइते बनाएको हो ।
यसैगरी, असन, स्वयम्भु, पानीपोखरी, बालाजुमा पनि एक/एक जना घाइते भएका छन् । ललितपुरको इमाडोलमा पनि एक जना घाइते भएका छन् । घाइतेहरुको प्रहरीले उद्दार गरी विभिन्न अस्पतालमा लिएर गएको महानगरीय प्रहरी केन्ट्रोलले जनाएको छ ।
भूकम्पको धक्का महशुस भएसँगै राजधानीमा स्थानीयहरु सडकमा निस्किएका थिए । सिन्धुपाल्चोक केन्द्रविन्दु रहेको भूकम्प ५.५ रेक्टर स्केलको थियो ।
२२ माघ २०७२ / ११:१५
वि.सं.२०७२ माघ २२ शुक्रवार २३:२० मा प्रकाशित
