काठमाडौं । १३५ दिन पछि सुचारु भएको वीरगञ्ज नाका फेरि अवरुद्ध पार्न गएका मधेसी मोर्चाका कार्यकर्ता स्थानीय र भारतीय व्यापारीद्वारा लखेटिएका छन् ।
मधेसी मोर्चाको बारा र पर्साको बैठकले शनिबार दिउँसो २ बजेबाट नाका बन्द गर्ने निर्णय गरेलगत्तै कार्यकर्ता नाकामा पुगेका थिए ।
मधेसी मोर्चाले नाका फेरि बन्द गर्ने बताएपछि प्रतिकारका लागि भन्दै रक्सौलका ब्यापारीहरु समेत आएका थिए । त्यसक्रममा झडप समेत भएको छ ।
झडपपछि अहिले मधेसी मोर्चाका कार्यकर्ता हटेका छन् र नाका सहज भएको छ । १३५ दिन ठप्प रहेको नाकाबाट आज पहिलो पटकग्यासका ३ बुलेट नेपाल प्रवेश गरेका छन् ।
२३ माघ २०७२ /४:०६
वि.सं.२०७२ माघ २३ शनिवार १६:०६ मा प्रकाशित
