कास्की । स्थानीय प्रहरीले मगर चलचित्रकी नायिका नेहा (योरुना) पुन मगरको हत्यामा संलग्न भएको अभियोगमा पोखरा न्युरोडका २५ वर्षीय सतिश खड्गीलाई पक्राउ गरी आज सार्वजनिक गरेको छ ।
दुवै जनाले रेष्टुरेन्टमा बसेर मादक पदार्थ खाएको र नेहालाई घरमा पुर्याउने क्रममा २ जनाबीच भनाभन हुँदा हेल्मेटले हानेर नेहाको हत्या गरेको सतिसले स्वीकारेका छन् ।
नेहालाई कोठामा छाड्न जाने बेला सतिशले लेकसाइड जान आग्रह गरेका थिए तर नेहा जान नमानेपछि बाटोमा नेहा र सतिशबीच विवाद भएर आवेगमा आएर हेल्मेटले उनको टाउकोमा हानेको सतिशले प्रहरीसमक्ष बयान दिएका छन्।
नेहाको शव भेटिएपछि धेरैले बलात्कारपछि हत्या भएको हुनसक्ने आशंका गरेता पनि नेहाको मेडिकल रिपोर्ट आउन बाँकी रहेको प्रहरीले जनाएको छ।
माघ २५, २०७२ /२.००
वि.सं.२०७२ माघ २५ सोमवार १५:२९ मा प्रकाशित