काठमाण्डौं । नेपाली कांग्रेसका केन्द्रीय सदस्य नरहरि आचार्यको स्वास्थ्य अवस्था ‘अत्यन्त गम्भीर’ भएको न्यूरो अस्पतालले जनाएकोछ ।
आज मंगलबार बिहान सभापति सुशील कोइरालाको निधनपछि श्रद्धाञ्जली दिन पुगेका उनी सुशील निवासबाट बाहिरदै गर्दा बेहोस भएका थिए ।
ब्लड प्रेसर बढेर ढलेका उनलाई लगत्तै गंगालाल हृदयरोग केन्द्र लगिएको थियो । तर त्यहाँबाट न्युरो अस्पतालमा लगिएको छ ।
‘अप्रेशन नगरी २४ घण्टा उहाँलाई अब्जरभेसन आइसियुमा राखिएको छ। उहाँको अवस्था गम्भीर छ, उहाँको बडीको दाहिने भाग चलिरहेको छैन, ब्रेनमा स्ट्रोक भएको हो, प्रेसर अझै तल माथि भइरहेको छ’, अस्पताल स्रोतले बतायो ।
२६ माघ, २०७२, १०.००
वि.सं.२०७२ माघ २६ मंगलवार १०:१० मा प्रकाशित
