काठमाडौं । पूर्वाधार बिकास कम्पनी लिमिटेडको अध्यक्षमा भवन भट्ट सर्बसम्मत चुनिएका छन् । कम्पनीका अध्यक्षबाट कुशकुमार जोशीले राजिनामा दिएपछि रिक्त रहेको पदमा काठमाडौं–कुलेखानी–हेटौंडा सुरुङ्गमार्ग परियोजनाको सञ्चालक समितिको बैठकले भट्टलाई निर्विवाद रुपमा कम्पनीको अध्यक्ष तोकेको हो ।
राष्ट्रिय गौरवको यस आयोजना चार बर्षदेखि निर्माण गर्ने प्रयास भएता पनि ठूलो लगानीको आवश्यकताको कारण निर्माण हुन सकेको थिएन । अब भने निजी क्षेत्र, सरकार र स्थानीयहरु समेतमा राम्रो संकेत मिलेको पुर्वाधार बिकास कम्पनी लिमिटेडको दाबी छ ।
पूर्वाधार बिकास कम्पनी लिमिटेड ०६८ भाद्र २० मा विधिवत दर्ता भई संचालन भएको थियो । कम्पनिमा करिब १७०० शेयरहोल्डहरु छन् । तिमध्ये सबैभन्दा ठूलो शेयरहोल्डर भट्टको टिबिआई होल्डीङ कम्पनि छ ।
नेतृत्व सम्हालेपछि भट्टले सरकारबाट पनि केहि पुँजी जुटाउने, चार बर्ष पुरानो प्राविधिक पक्षको कार्यलाई समय सापेक्ष बनाउने, राम्रो कर्पोरेट गभरनेन्स भएको उत्कृष्ट संस्था बनाउने, विदेशी फण्डको व्यवस्था गर्ने, होल प्रोजेक्ट फाइनान्स गराउने र सबै स्टेकहोल्डरहरु (शेयरहोल्डर, गभर्मेन्ट, कम्युनीटी) बीच राम्रो सम्बन्ध बनाउने कार्यहरु आफ्नो प्रमुख कार्यतालिकामा राखेका छन् ।
२८ माघ २०७२ /६:१६
वि.सं.२०७२ माघ २८ बिहीवार १८:२० मा प्रकाशित