काठमाण्डौ । राष्ट्रिय वाणिज्य बैंकको प्रमुख कार्यकारी अधिकृत (सिइओ)का लागि अन्तिम सूचीमा पाँचजना छनौट भएका छन् । छानिएका पाँचमध्येबाट एकजनाले चार वर्षका लागि बैंकको प्रमुख कार्यकारी अधिकृतको जिम्मेवारी सम्हाल्नेछन् ।
यसरी छनौटमा परेका पाँच जनामा निवर्तमान प्रमुख कार्ययकारी अधिकृत कृष्णप्रसाद शर्मा, कामु प्रमुख कार्यकारी अधिकृत भेषराज पन्थी, कर्मचारी सञ्चय कोषका प्रशासक कृष्णप्रसाद आचार्य, कृषि विकास बैंकका नायब महाप्रबन्धक अनिल उपाध्याय र नेपाल बैंकका पूर्वप्रबन्धक किरण श्रेष्ठ रहेका छन् ।
अर्थ मन्त्रालयका सहसचिव कृष्ण देवकोटा नेतृत्वको सिइओ छनौट समितिले आवेदक १६ जनामध्येबाट अन्तिम पाँच जनाको नाम टुंगो लगाएको हो ।
माघ २९, २०७२, १२.००
वि.सं.२०७२ माघ २९ शुक्रवार १२:२१ मा प्रकाशित