back
NMB ad

कांग्रेस महाधिवेशनको खर्च चार करोड

Kumari bank ad

काठमाण्डौं । कांग्रेसले १३औं महाधिवेशन सम्पन्न गर्न ४ करोड रुपैयाँभन्दा बढी लाग्ने अनुमान गरिएको छ । कार्यवाहक सभापति रामचन्द्र पौडेलको अध्यक्षतामा आइतबार सिंहदरबारस्थित संसदीय दलको कार्यालयमा बसेको महाधिवेशन तयारीसम्बन्धी बैठकमा अर्थ समितिका संयोजक रामशरण महतले अनुमानित बजेट प्रस्तुत गरेका हुन् ।

उनले आर्थिक संकलनको स्रोत र खर्चका बारेमा बैठकमा जानकारी गराएका थिए । करिब २ करोड रुपैयाँ महाधिवेशन प्रतिनिधिहरूको प्रवेश शुल्कबाट उठ्ने र नपुग रकमका लागि स्वेच्छिक चन्दा अभियान थाल्ने कांग्रेसले जनाएको छ ।

कांग्रेस महामन्त्री कृष्णप्रसाद सिटौलाले महाधिवेशनसम्बन्धी तयारीका बारेमा मात्रै बैठक केन्द्रित भएको बताए । उनका अनुसार महाधिवेशनको उद्घाटन सत्र खुलामञ्च र बन्दसत्र प्रदर्शनीमार्गस्थित भृकुटीमण्डपमा हुने भएको छ ।

बैठकमा तयारीसम्बन्धी समितिका संयोजक, पदाधिकारी र काठमाडौंमा उपलब्ध केन्द्रीय सदस्यहरूको सहभागिता थियो । महाधिवेशनको तयारी अघि बढाउन कांग्रेसले मूल समारोह समितिका अतिरिक्त १३ वटा समिति गठन गरेको थियो ।

बैठकमा कार्यवाहक सभापति पौडेलले पार्टीको नीति तथा कार्यक्रमको प्रारिम्भिक मस्यौदा अध्ययनका लागि पेस गरेका थिए । सुझावसहित केन्द्रीय कार्यसमितिले पास गरेपछि पार्टीको नीति तथा कार्यक्रम औपचारिक रूपमा सार्वजनिक गर्ने कांग्रेसको योजना छ । बैठकमा सहभागी एक सदस्यले भने नीति तथा कार्यक्रममा कुनै नयाँपन नरहेको बताए ।

बैठकमा विधान मस्यौदा समितिले संशोधित मस्यौदा प्रस्तुत गरेको छ । समितिका संयोजक आनन्द ढुंगानाले तीन उपसभापति बढाउने प्रस्तावसहितको मस्यौदा प्रस्तुत गरेका छन् । विधान मस्यौदामा अब अञ्चलको साटो प्रदेशबाट तीनरतीनजना केन्द्रीय सदस्यको प्रतिनिधित्व गराउने प्रस्ताव गरिएको छ । पदाधिकारी थप गर्ने विषयमा विधान समितिकै वरिष्ठ नेता शेरबहादुर देउवा पक्षका सदस्यहरूले फरक मत राखेका छन् । फरक मतसहित ढुंगानाले मस्यौदा बुझाएका हुन् । देउवा पक्षको असहमतिका कारण पदाधिकारी थप गर्ने प्रस्ताव पारित हुने सम्भावना कम छ ।

बैठकमा महाधिवेशनको व्यवस्थापन, निर्वाचन, स्वयंसेवक लगायतका विषयमा छलफल भएको र महाधिवेशन उद्घाटनको एक साताअगावै सबै तयारी सम्पन्न गर्ने गरी काम गरिने निर्णय भएको केन्द्रीय सदस्य नवीन्द्रराज जोशीले जानकारी दिए । सभापति सुशील कोइरालाको आकस्मिक निधनले केही दिन महाधिवेशन तयारीका काममा बाधा पुगे पनि यही फागुन २० गते उद्घाटन गर्न भ्याउने गरी काम अघि बढेको कांग्रेसले जनाएको छ ।

महाधिवेशन प्रचारप्रसार समितिका संयोजक मीनेन्द्र रिजालले वालपेन्टिङ र पोस्टर नटाँस्ने बताएका छन् । उनले केही ठाउँमा ब्यानर राखिए पनि काठमाडौंको सुन्दरताका लागि वालपेन्टिङ र पोस्टर नटाँस्ने निर्णय लिइएको बताए । बैठकपछि सञ्चारकर्मीसँग कुरा गर्दै महामन्त्री सिटौलाले महाधिवेशन सबैको सहमतिमा सम्पन्न हुने विश्वास व्यक्त गरे ।

प्रकाशित: कान्तिपुर, ३ फागुन, २०७२ / ७.००

वि.सं.२०७२ फागुन ३ सोमवार १०:२५ मा प्रकाशित

You can share this post!

क्याप्टेन शाक्यको स्वास्थ्य अवस्था सामान्यः अस्पताल   

क्याप्टेन शाक्यको स्वास्थ्य अवस्था सामान्यः अस्पताल   

वि.सं.२०८१ साउन १० बिहीवार १७:५७

काठमाडौँ, १० साउनः दुर्घटनामा घाइते हुनुभएका सौर्य एयरलाइन्सका क्याप्टेन मनिषरत्न...

ज्योति विकास बैंकद्वारा विभिन्न सामाजिक उत्तरदायित्वका कार्यक्रमका लागि सम्झौता

ज्योति विकास बैंकद्वारा विभिन्न सामाजिक उत्तरदायित्वका कार्यक्रमका लागि सम्झौता

वि.सं.२०८१ साउन १० बिहीवार १७:५०

काठमाडौं । ज्योति विकास बैंकले १६औं वार्षिकोत्सवको अवसरमा संस्थागत सामाजिक...

राष्ट्रिय योजना आयोगको उपाध्यक्षमा अधिकारी नियुक्त

राष्ट्रिय योजना आयोगको उपाध्यक्षमा अधिकारी नियुक्त

वि.सं.२०८१ साउन १० बिहीवार १७:४२

काठमाडौं। सरकारले राष्ट्रिय योजना आयोगको उपाध्यक्षमा प्रा.डा.शिवराज अधिकारीलाई नियुक्त गरेको...

मन्त्रिपरिषदको निर्णयः मुख्य सचिव र राष्ट्रिय योजना आयोगका पदाधिकारी नियुक्त   

मन्त्रिपरिषदको निर्णयः मुख्य सचिव र राष्ट्रिय योजना आयोगका पदाधिकारी नियुक्त   

वि.सं.२०८१ साउन १० बिहीवार १७:२६

काठमाडौँ, १० साउनः सरकारले नेपाल सरकारको कायम मुकायम मुख्य सचिव...

प्राइम बैंकले ३ अर्बको ऋणपत्र निष्काशन गर्ने, ब्याजदर कति ?

प्राइम बैंकले ३ अर्बको ऋणपत्र निष्काशन गर्ने, ब्याजदर कति ?

वि.सं.२०८१ साउन १० बिहीवार १७:०६

काठमाडौं । प्राइम कमर्सियल बैंकले ३ अर्ब रुपैयाँ बराबरको ऋणपत्र...

सौर्य एयर दुर्घटनाः पहिचान भएपछि मात्र शव हस्तान्तरण गरिने   

सौर्य एयर दुर्घटनाः पहिचान भएपछि मात्र शव हस्तान्तरण गरिने   

वि.सं.२०८१ साउन १० बिहीवार १७:०१

काठमाडौँ, १० असारः सौर्य एयरलाइन्सको जहाज दुर्घटनामा मृत्यु भएकाहरुको शव...