काठमाण्डौं । कोरियाको मानव संसाधन विकास विभागले आज सोमबारदेखि सन् २०१६ का लागि कृषितर्फ इपीएस भाषा परीक्षा पास गरेका नेपाली कामदारको छनौट सुरु गरेकोछ ।
विभागले भाषा परीक्षा पास गरेका कामदारको ३ चरणमा छनोट गर्नेछ । आगामी जुन महिनामा अर्को चरणको छनोट हुनेछ । त्यसको चार महिनापछि तेस्रो तथा अन्तिममा कामदार छानिने छन् । कृषि कामदारको छनौट एक हप्तामा सकिनेछ । यसपछि अन्य क्षेत्रमा काम गर्न जाने कामदारहरुलाई छान्न सुरु गर्नेछ । २०१६ लागेपछि करिब सय जना नेपाली कामदार कोरिया उडिसकेका छन् ।
सन् २०१६ को लागि भएको भाषा परीक्षामा ८ हजार ४ सय ९० जना उत्तीर्ण भएका थिए । उत्पादनमुलकतर्फ ५ हजार ८ सय १७ र कृषि तथा पशुपालनतर्फ २ हजार ६ सय ७३ जना उत्तीर्ण भएका थिए ।
३ फागुन, २०७२, ३.००
वि.सं.२०७२ फागुन ३ सोमवार १५:५९ मा प्रकाशित