काठमाण्डौं । राजधानीको पर्यटकीय केन्द्र ठमेलको चाक्सीवारी मार्गमा ५० करोड लगानीमा बनेको ‘होटल आर्टस् काठमाडौं’ सञ्चालनमा आएको छ ।
कार्गो र गार्मेन्ट व्यवसायमा संलग्न गोरखाका चिरञ्जीवी भट्टले खोलेको ८ तले उक्त होटलमा स्टान्डर्ड, डिलक्स र स्वीट गरी ६० वटा कोठाहरु रहेका छन् । होटलको पहिलो तलामा स्पा एन्ड साउना, ब्यूटिपार्लर, बैंक, सपिङ आर्केड, एटीएम काउन्टर, कफी शप लगायत रहेका छन् । दोस्रो तलामा रिसेप्सन र द आर्टस् क्याफे एन्ड बार रहेको छ । क्याफेमा एकैपटक ६० जनालाई सेवा दिन सकिने होटलका महाप्रबन्धक सिंहले जानकारी दिए ।
भवनको ३ देखि ७ तलासम्म बेड रुमहरु रहेका छन् । आठौं तलामा पार्टी हल रहेको छ । त्यहाँ डेढ सय जनासम्मको ककटेल पार्टी गर्न सकिने होटल व्यवस्थापनले जानकारी दियो ।
होटलमा कर बाहेक स्टान्डर्ड रुमको ७० अमेरिकी डलर, डिलक्स रुमको ८० डलर र प्रिमियम रुमको १०० डलर तोकिएको छ ।
६ फागुन २०७२, ११.००
वि.सं.२०७२ फागुन ६ बिहीवार ११:३७ मा प्रकाशित
