back

अधियाँमा एउटा गाई पालेका रेग्मी चितवनकै उदाहरणीय उद्यमी !

Kumari bank ad

चितवन (माडी) । सरिता र रुद्रप्रसाद रेग्मी पिठुवाबाट बसाइँ सरेर माडी अयोध्यापुरीको शिवद्वार आएको १४ वर्ष पुग्न लाग्यो । पिठुवाको एक कठ्ठा तीन धुर जग्गा बेचेर अलि धेरै जग्गा खोज्दै माडी आएका उनीहरु यतिबला उदाहरणीय उद्यमी बन्न सफल भएका छन् ।

धेरै कमाउन नसके पनि उद्यमका लागि उदाहरणीय बन्न पाएकोमा यी दम्पती औधी खुसी भएका छन् । सस्तो जग्गा खोज्दै उनीहरु माडीको जंगल र खोला छेउ आए । अरुले केही नहुने ठानेको जमिनबाट उनीहरुले आफ्नो जीवनमा फेरबदल ल्याएका छन् । पिठुवाको एक कठ्ठा ३ धूर जग्गा बेचेर माडीमा १० कठ्ठा किने । सुरूमा जग्गा राम्रो खेती नहुने काँसघारी थियो । सो जग्गामा खेती राम्रो नहुने भएपछि माछा पाल्न थाले उनीहरुले । विस्तारै गाई पालन पनि सुरु गरे । अहिले माछा र गाईमात्रै होइन, बंगुर, बाख्रा र कुखुरा पनि गोठभरि छन् ।

गाईपालन व्यावसायिक रुपमा गरेका छन् । फार्म दर्ता गरेर दूध आफैँ संकलन गर्छन् । गाई १२ वटा छन् । दुधालु गाई छवटा छन् । दिनको ३०/३५ लिटर दूध आफ्नै घरको हुन्छ । गाउँलेहरुको दूध पनि आफैंले संकलन गरेर सय लिटर हाराहारीमा दूध बेच्न थालेका छन् उनीहरुले । महिनामा ७५ हजार रुपैयाँ बराबरको कारोबार हुन्छ । ४० हजार रुपैयाँसम्म बचत हुन्छ ।

‘कुनै बेला गाउँमा हजार १५ सय रुपैयाँ ऋण खोज्दा पनि मान्छेले दिन गाह्रो मान्दथे’ सरिताले भनिन्, ‘अहिले त्यो अवस्था छैन ।’ गाउँमा समूह बनाएर बचत सुरु गरेसँगै उनीहरुले कुखुरा बाख्रा किन्न थालेका हुन् । उनीहरुले पाँच वर्षअघि महिनाको पाँच रुपैयाँका दरले बचत सुरु गरेका थिए । सोही समूह अहिले सहकारीमा परिणत भएको छ । नाम हो, बुलबुले सहकारी ।

ऋण चाहिएमा उनीलाई सहकारीले धेरै सजिलो बनाएको छ । ‘बुलबुले सहकारीबाट १५ सय दुई हजार रुपैयाँ ऋण झिक्दै तिर्दै कुखुरा बाख्रा किन्न थालें’ सरिताले भनिन् । आम्दानी भएसँगै बचत पनि बढेपछि चारपाँच हजार ऋण निकालेर बंगुरपालन पनि सुरु गरेको उनले बताइन् । उनीहरुलाई माछाको भुरा र दाना किन्न पनि सहकारीबाट ऋण सजिलै मिल्थ्यो ।

उनीहरुले ५९ सालमा अधियाँमा एउटा गाई ल्याएर पालिन् । गाईको दूध बेच्दै गाई नै किन्न थालेपछि संख्या बढ्दै गएको होे । ६९ सालमा तीनवटा दुधालु र एउटा ब्याउने गाई किनेको रुद्रप्रसादले बताए । एक लाख ६० हजार रुपैयाँ जोगाड गरेर किनेको सोही गाईले बगाल बढाएर गोठ भरेको छ । ‘श्रीमान् श्रीमतीले मिलेर काम गछौँ । यहाँ यो काम महिलाले मात्रै र यो काम पुरुषले गर्ने हो भन्ने छैन । सक्ने काम दुवैले गर्छौ’ रुद्र र सरिताले एकै स्वरमा भने ।

श्रीमान् श्रीमतीबीचको यही मिलनले उद्यमी बन्न उनीहरुलाई सजिलो भएको छ । उनीहरुका जेठा छोरा भुवन १२ कक्षा पढ्दै छन् भने कान्छो छोरा सुरज र छोरी सुष्मा नौ कक्षामा छन् । उनीहरुले थप जमिन जोड्न नसके पनि डेढ बिघा खेत बन्दकी लिएका छन् । घरमा मेलमिलाप भए सम्पति जोड्न सहज हुन्छ भन्ने उदाहरण बनेका छन् उनीहरु । चितवन पोस्ट

६ फागुन २०७२ / ११/३७

वि.सं.२०७२ फागुन ६ बिहीवार ११:४१ मा प्रकाशित

You can share this post!

मेलम्चीको पानी काठमाडौँ पठाउन तीव्रगतिमा काम भइरहेको छ,   चाँडै पुर्‍याउँछौँ : मन्त्री  यादव 

मेलम्चीको पानी काठमाडौँ पठाउन तीव्रगतिमा काम भइरहेको छ,   चाँडै पुर्‍याउँछौँ : मन्त्री  यादव 

वि.सं.२०८० मंसिर १६ शनिवार ०७:०५

मेलम्ची, (सिन्धुपाल्चोक) १५ मङ्सिर : खानेपानीमन्त्री महिन्द्रराय यादवले मेलम्चीको पानी...

आज १६ मंसिर २०८० शनिवार, हेर्नुहोस् आजको राशिफल

आज १६ मंसिर २०८० शनिवार, हेर्नुहोस् आजको राशिफल

वि.सं.२०८० मंसिर १६ शनिवार ०६:५७

मेष मेष (चु, चे, चो, ला, लि, लु, ले, लो,...

नक्कली भुटानी शरणार्थी प्रकरण : बालकृष्ण खाणको विषयलाई लिएर राय बाझियो   

नक्कली भुटानी शरणार्थी प्रकरण : बालकृष्ण खाणको विषयलाई लिएर राय बाझियो   

वि.सं.२०८० मंसिर १५ शुक्रवार २०:४९

काठमाडौँ, १५ मङ्सिर : नक्कली भुटानी शरणार्थी प्रकरणमा पूर्वमन्त्री बालकृष्ण...

ग्राउण्ड ह्याण्डलिङ सेवा प्रतिस्पर्धाबाट गराउने प्राधिकरणको निर्णय   

ग्राउण्ड ह्याण्डलिङ सेवा प्रतिस्पर्धाबाट गराउने प्राधिकरणको निर्णय   

वि.सं.२०८० मंसिर १५ शुक्रवार २०:४३

काठमाडौँ, १५ मङ्सिर : नेपाल नागरिक उड्डयन प्राधिकरण (क्यान) ले...

लालुपाते सहकारी बचत घोटाला प्रकरण : ३५ जना प्रतिवादीविरुद्धको बयान सुरु   

लालुपाते सहकारी बचत घोटाला प्रकरण : ३५ जना प्रतिवादीविरुद्धको बयान सुरु   

वि.सं.२०८० मंसिर १५ शुक्रवार २०:३६

खोटाङ, १५ मङ्सिर : दिक्तेलस्थित लालुपाते बहुउद्देश्यीय सहकारी संस्थाको बचत...

ठगी गरेको आरोपमा दुई सहकारीका आठ जना सञ्चालक पक्राउ   

ठगी गरेको आरोपमा दुई सहकारीका आठ जना सञ्चालक पक्राउ   

वि.सं.२०८० मंसिर १५ शुक्रवार २०:३१

पर्वत, १५ मङ्सिर : सहकारी संस्थामार्फत ठगी गरेको आरोपमा पर्वतमा...