back
mega bank Ad
Hero Ad

शिवरात्रीका लागि उपत्यकाका कुकुर स्वस्थ बनाइने !

काठमाण्डौं । महाशिवरात्रिअघि नै पशुपति क्षेत्रका कुकुरलाई स्वस्थ बनाउने अभियान सुरु गरिएको छ। महाशिवरात्रिमा विश्वकै धार्मिक पर्यटक पशुपतिमा दर्शन गर्न आउने भएकाले अभियान सुरु गरिएको अभियानकर्मीको भनाइ छ।

यस वर्ष फागुन २४ गते महाशिवरात्रि पर्व परेको छ। पशुलाई बाहिर बिरामी छाडेर ‘पशुका स्वामी’ पशुपति मन्दिरभित्र दर्शन गर्नु मानवीय हुँदैन भन्दै पशुपति क्षेत्र विकास कोष, ‘हिमालयन एनिमल रेस्क्यु ट्रस्ट, नेपाल वेलफेयर एन्ड रिसर्च सेन्टर, कम्युनिटी ड्रग वेलफेयर र एडभान्स्ड पेट हस्पिटल एन्ड रिसर्च सेन्टर प्रालिको संयुक्त आयोजनामा अभियान सुरु भएको हो।

विश्व सम्पदामा सूचीकृत पशुपति क्षेत्रमा विभिन्न रोगबाट पीडित कुकुरको सङ्ख्या बढेपछि उपचार एवम् बन्ध्याकरण अभियान सुरु गरिएको कोषका सदस्य सचिव डा गोविन्द टन्डनले जानकारी दिए। यसअघि पशुपति क्षेत्रमा ट्रस्टले कुकुरको सङ्ख्या गणना गरेको थियो, जसमा १५ कुकुर गुप्ताङ्गको ‘ट्युमर’ रोगबाट पीडित अवस्थामा भेटिएका थिए। यस्ता कुकुरबाट मानिसमा पनि रोग सर्न सक्ने भएकाले उपचार गर्नुपरेको आयोजकको भनाइ छ।

“गणनाबाट पशुपति क्षेत्रमा २०० कुकुर छोडिएको तथ्याङ्क पाइयो, चुनचुन बाबाको आश्रममा पालिएका २५ वटा कुकुरको सङ्ख्या यसमा गणना गरिएको छैन, धेरैजसो कुकुर ट्युमरको सङ्क्रमणमा पर्न सक्ने भेटियो, उपचार नगरे पवित्र पशुपति क्षेत्रको वातावरण नै दूषित हुने भएकाले उपचार सुरु गरिएको हो”–ट्रस्टका अध्यक्ष खगेश्वर भट्टराईले भने।

यही फागुन १२ गतेसम्म सञ्चालन हुने शिविरमा आज ६४ पोथी कुकुरको वन्ध्याकरण समेत सुरु गरिएको छ। पशुपति क्षेत्रमा फूल बेच्ने महिलाले पोथी कुकुरलाई सङ्गिनी सुई लगाएपछि ‘पायोेमेट्रा’ नामक रोग लागेको परीक्षणबाट प्रमाणित भएको छ।

शिविरमा घरमा पालिएका कुकुरको उपचार गर्न आउनेको समेत भिड लागेको छ। पशुपति गुरुमार्गका सुमन शाही कुकुरलाई सङ्गिनी सुई लगाउँदा रोग लागेकाले उपचार गर्न आएको बताउँछन्।

विश्व स्वास्थ्य सङ्गठनको आर्थिक सहयोगमा विसं २०६७ मा क्याट सेन्टर बूढानीलकण्ठले गरेको गणनामा काठमाडौँ उपत्यकाको चक्रपथभित्र ३० हजार कुकुर रहेको तथ्य सार्वजनिक भएको थियो। सो सङ्ख्या हाल बढेको छ।

महानगरभित्रका कुकुर व्यवस्थापन गर्न कामपाले यस वर्ष ३० करोड बजेट छुट्याएको छ। कुकुरलाई भैरवको बाहन समेत मानिने भएकाले पशुपति क्षेत्रमा सम्मानका साथ स्वस्थ राख्न सुरु गरिएको अभियानलाई भविष्यमा पनि निरन्तरता दिइने आयोजक संस्थाले प्रतिवद्धता जनाएका छन्। रासस

९ फागुन २०७२, ९.००

वि.सं.२०७२ फागुन ९ आइतवार १३:२१ मा प्रकाशित

You can share this post!

ड्रेस टु इम्प्रेसमा छानिए चार उत्कृष्ट डिजाइनर

ड्रेस टु इम्प्रेसमा छानिए चार उत्कृष्ट डिजाइनर

वि.सं.२०७९ असोज ३ सोमवार १६:०७

काठमाडौं। डिजाइनिङ र मोडलिङको समिश्रण ‘ड्रेस टु इम्प्रेस’ को छैटौं...

वुहान सहरमा पहिलो पटक कोभिड देखिएको त्यो दिन : विश्व इतिहास

वुहान सहरमा पहिलो पटक कोभिड देखिएको त्यो दिन : विश्व इतिहास

वि.सं.२०७८ पुस १६ शुक्रवार ०७:४७

आज ३१ डिसेम्बर । आज विश्व इतिहासमा विभिन्न सामाजिक तथा...

विश्व इतिहासमा आजः विमानभित्र बम बिस्फोट

विश्व इतिहासमा आजः विमानभित्र बम बिस्फोट

वि.सं.२०७८ पुस ६ मंगलवार ०७:१६

आज २१ डिसेम्बर । आज विश्व इतिहासमा विभिन्न सामाजिक तथा...

आन्ध्र महासागरबाट तीन हजार किलोमिटर हिँडेर न्युजिल्यान्ड पुग्यो एउटा पेन्गुइन

आन्ध्र महासागरबाट तीन हजार किलोमिटर हिँडेर न्युजिल्यान्ड पुग्यो एउटा पेन्गुइन

वि.सं.२०७८ कात्तिक २८ आइतवार १४:३८

एजेन्सी । न्युजिल्यान्डमा एउटा पेन्गुइन आफ्नो वास्तविक वासस्थानबाट तीन हजार...

समुद्री ह्वेलले यसकारण गर्छन् मानिसको शिकार

समुद्री ह्वेलले यसकारण गर्छन् मानिसको शिकार

वि.सं.२०७८ कात्तिक ११ बिहीवार ११:१६

काठमाडौं । पछिल्लो समयमा समुद्री ह्वेलले मानिसहरुलाई आक्रमणको निशाना बनाउन...

नोबेल पुरस्कारमा महिलाको संख्या पुरुषभन्दा नगन्य, कती महिला भए त पुरस्कृत!

नोबेल पुरस्कारमा महिलाको संख्या पुरुषभन्दा नगन्य, कती महिला भए त पुरस्कृत!

वि.सं.२०७८ असोज २७ बुधवार ०८:२३

ओस्लो । सन् १९०१ मा नोबेल पुरस्कार स्थापना भएपछि अहिलेसम्म...