काठमाण्डौं । घर बनाउँदै हुनुहुन्छ, कसरी र कहाँबाट ऋण लिने थाहा पाउनुभएको छैन भने अब नआत्तिनुहोस् किनभने अधिकांश बैंकहरुले घर कर्जा ऋण मात्र ८ प्रतिशतदेखि १० प्रतिशत ब्याजदरसम्ममा उपलब्ध गराउने भएका छन् ।
बैंकिङ प्रणालीमा अध्याधिक लगानी योग्य पुँजी ९तरलता० थुप्रिए पनि कर्जाको माग नआएपछि बैंकहरुले सस्तो दरको आवास ऋण दिन लागेका हुन् । जस अनुसार छोटो अवधि ९बढीमा ९० दिन०को व्यापारिक कर्जाको ब्याज दर साढे पाँच प्रतिशतसम्म झारेका बैंकले २५ बर्ष अवधिको घर तथा आवाश कर्जाको ब्याज सात प्रतिशत हाराहारीमा ल्याएका छन् ।
स्किम नै ल्याएर ब्याज घटाउनेमा माछापुच्छ्रे, एनएमबी र एनआइसी एसिया बैंक छन् । माछापुच्छ्रे बैंकले ७।५ प्रतिशत ब्याज दरमा घर तथा आवास कर्जा दिने स्किम ल्याएको छ । एनएमबी बैंकले ६।६६ प्रतिशत ब्याज दरसहितको घर कर्जा योजना ल्याएको छ । दुई बैंकले स्किम ल्याएपछि एनआइसी एसियाले पनि ७।९९ प्रतिशतमा घर कर्जा दिने नयाँ स्किम ल्याएको छ ।
स्किम नल्याए पनि कतिपय बैंकको घर तथा आवास कर्जाको ब्याज दर तल आइसकेको छ । नबिल, एभरेष्ट, बैंक अफ काठमाण्डू, प्रभु, सिभिल र सेञ्चुरी बैंकको ब्याज दर आठ प्रतिशतभन्दा तल छ । अहिले पनि महँगो ब्याज कृषि विकास बैंकको छ । बैंकको घर कर्जाको न्युनतम ब्याज दर १० प्रतिशत छ । बाँकी सबै बैंकको घर कर्जाको न्युनतम ब्याज दर १० प्रतिशतभन्दा तल आइसकेको छ ।
बैंकहरुले एक करोड रुपैयाँभन्दा कमका घर तथा आवास र जग्गा किन्नका लागि यो कर्जा उपलब्ध गराउँछन् ।
१० फागनु, २०७२, १०.००
वि.सं.२०७२ फागुन १० सोमवार ११:०६ मा प्रकाशित
