back
mega bank Ad
Hero Ad

वायु प्रदुषणका कारण वर्षेनी ७० लाख मानिसको अकालमै मृत्यु

ललितपुर । विश्व स्वास्थ्य संगठनको तथ्यांक अनुसार सन् २०१२ मा वायु प्रदुषणका कारण विश्वका करिव ७० लाख मानिसले अकालमा ज्यान गुमाएका थिए, जसमा धेरैजसो विकासशील देशका थिए ।

नेपालमा सन् २०१३ मा वायु प्रदुषणकै कारण २५ हजारले अकालमा ज्यान गुमाए । दक्षिण एसियामा वायु प्रदुषणले बर्षेनी १७ लाख मानिसले अकालमा ज्यान गुमाउने गरेका छन्, जुन संख्याले विश्वमा वायु प्रदुषणले मर्ने मानिसको संख्याको तीस प्रतिशत हिस्सा ओगटेको छ । त्यसैगरी वायु प्रदुषणका कारण ओजन तहमा विनाश भइ विश्वव्यापी रुपमा वर्षेनी ११ करोड मेट्रिकटन बालीनाली नोक्सान हुने गरेको छ ।

यति ठूलो नोक्सानी हुने भएपछि यतिबेला वायु प्रदुषण वातावरण र सामाजिक समस्याका रुपमा बढ्दै गएको भन्दै यस क्षेत्रका विज्ञहरुले चिन्ता व्यक्त गर्न थालेका छन् र सार्वजनिक बहसमा उत्रिन थालेका छन् । नेपाल साइन्स ओलम्पियाड र इन्ष्टिच्यूट फर एड्भान्स सस्टेनाविलिटी स्टडिज् (आइएएसएस)ले ललितपुरमा गरेको कार्यक्रममा सरोकारवालाले वायु प्रदुषणले मानव स्वास्थ्य लगायत वालीनाली, प्राकृतिक सन्तुलन र जलवायुमासमेत प्रतिकुल असर पार्ने भएकाले यससँग जुध्न सवैले ध्यानकेन्द्रीत गर्नुपर्ने बताएका हुन् ।

कार्यक्रममा आइएएसएसका प्रवन्ध निर्र्देशक प्राध्यापक डा.मार्कजी लरेन्सले आफूहरुको अध्ययनबाट काठमाडौंको प्रदुषण विश्वको अति प्रदुषित सहर भारतको दिल्ली र चीनको बेइजिङसँगको हाराहारीमा भएको पुष्टि भएकाले यसले सामाजिक र वातावरणीय ठूलो समस्या सृजना गरेको बताए । उनले वायु प्रदुषण विश्वकै लागि चुनौति बनेकाले यसलाई घटाउन वायु प्रदुषणका श्रोतलाई नियन्त्रण गर्नुपर्ने बताए ।

सांसद रामेश्वर फुयाँलले वायु प्रदुषण नियन्त्रणका लागि नीति, नियम भएपनि कार्यान्वयन नभएका कारण समस्या भएको बताए । व्यवस्थापिका संसदको वातावरण समितिकी सदस्य जीवनकुमारी घिमिरेले वायु प्रदुषणका श्रोतहरुको पहिचान गरी नियन्त्रण गर्न थालेमा प्रदुषण घटाउन सकिने धारणा राखे ।

सवारी साधन, बाटो, इट्टा उद्योग र जलाइएका फोहरहरु वायु प्रदुषणको मुख्य कारकको रुपमा लिईन्छ ।

१० फागुन २०७२

वि.सं.२०७२ फागुन १० सोमवार २२:३७ मा प्रकाशित

You can share this post!

यस्तो छ आजको विदेशी मुद्राको विनिमय दर

यस्तो छ आजको विदेशी मुद्राको विनिमय दर

वि.सं.२०७९ मंसिर १७ शनिवार ११:११

काठमाडौं । नेपाल राष्ट्र बैंकले शनिबार  को विदेशी मुद्राको विनिमय...

आज थप दुई कम्पनीको लाभांश घोषणा, कुनको बोनस र नगद कति ?

आज थप दुई कम्पनीको लाभांश घोषणा, कुनको बोनस र नगद कति ?

वि.सं.२०७९ मंसिर १६ शुक्रवार १९:१७

काठमाडौं । आज थप दुई कम्पनीहरुले लाभांश घोषणा गरेका छन्...

आइएमईको २२ औँ साधारण सभा सम्पन्न : कम्पनीलाई आइपीओमा लैजाने प्रस्ताव पारित

आइएमईको २२ औँ साधारण सभा सम्पन्न : कम्पनीलाई आइपीओमा लैजाने प्रस्ताव पारित

वि.सं.२०७९ मंसिर १६ शुक्रवार १९:०७

काठमाडौं । कम्पनीलाई आइपीओमा लैजाने प्रस्ताव पारित गर्दै आइएमईको २२औँ...

शैक्षिक अवस्था बुझ्न नगरपालिकाको टाेली कक्षा कोठामा

शैक्षिक अवस्था बुझ्न नगरपालिकाको टाेली कक्षा कोठामा

वि.सं.२०७९ मंसिर १६ शुक्रवार १७:२१

हेमन्त केसी सुर्खेत  । मंगलबार जाजरकोट नलगाड नगरपालिकाका नगरप्रमुख डम्मर...

पैसा नभएको चेक दिने पक्राउ, ३० लाख रुपैंया  जरिवाना र १० दिन कैद हुने

पैसा नभएको चेक दिने पक्राउ, ३० लाख रुपैंया जरिवाना र १० दिन कैद हुने

वि.सं.२०७९ मंसिर १६ शुक्रवार १७:१४

काठमाडौं । बैंकिङ कसुर मुद्दाका फरार प्रतिवादी  पक्राउ परेका छन् ।...

जुम्ला विमानस्थलमा बेहोस भेटिएका युवकको मृत्यु

जुम्ला विमानस्थलमा बेहोस भेटिएका युवकको मृत्यु

वि.सं.२०७९ मंसिर १६ शुक्रवार १५:५२

जुम्ला । जुम्ला विमानस्थलमा बेहोस अवस्थामा भेटिएका कैलाली घर भएका...