राजबिराज । आन्दोलनको समयमा सरकारी कार्यालय तथा बैंकहरु बन्द रहेकाले उक्त अवधिभरको ऋणको ब्याज मिनाहसहितको अन्य मागहरु पूरा गर्न मधेसी मोर्चा सप्तरीले मंगलवार प्रधानमन्त्रीलाई ज्ञापन पत्र पठाएको छ ।
मोर्चाका नेताहरुले राजविराजस्थित जिल्ला प्रशासन कार्यालय मार्फत सरकारलाई ज्ञापन पठाएको हो । मोर्चाका नेताहरुले निमित्त प्रमुख जिल्ला अधिकारी प्रेम अर्याललाई ज्ञापन बुझाएका हुन् ।
ुआन्दोलन अवधिको ब्याज मिनहा गर्नुपर्ने, कर मिनाह गर्नुपर्ने, आन्दोलनको क्रममा मृत्यु भएका आन्दोलनकारीलाई यथासिघ्र सहीद घोषण गर्नुपर्ने, घाइतेहरुको उपचार र उपचार खर्च उपलब्ध गराउनुपर्ने, राजश्वको जरिवाना छुट गर्नुपर्ने तथा सप्तरीका पेट्रोलियम पदार्थको वितरण सहज गर्नुपर्नेु सहितका माग प्रधानमन्त्री समक्ष मधेसी मोर्चा सप्तरीले ज्ञापन मार्फत राखेका छन् ।
१२ फागुन २०७२, ८.००
वि.सं.२०७२ फागुन १२ बुधवार ११:१३ मा प्रकाशित
