काठमाडौँ । यात्रु बोकेर नेपालगञ्जबाट जुम्लाकालागि उडेको काष्टमण्डप एयरको जहाज दुर्घटना भएको छ।
कालिकोट गाविसको २ तिलखामा फोर्स ल्याण्डिङ गर्दा दुर्घटना भएको बताइएको छ । 9N AJB कल साइन भएको उक्त विमानमा खराबी आएपछि फोर्स ल्याण्ड गर्ने क्रममा दुर्घटनामा परेको हो। विमानमा चालकदलका २ सदस्य सहित ११ जना सवार थिए ।
जहाज १२ः३० बजे नेपालगञ्जबाट उडेको थियो ।
जहाजमा सवार मेघराज गिरी, गणेश भट्टचन, जगदम्बाखत्री, सोनाली भट्टचन, लक्ष्मी सुनार, गोबिन्द भण्डारी, लक्ष्मण खड्का, धनन्जय खत्री घाइते रहेको निमित्त प्रमुख जिल्ला अधिकारी बिष्णुप्रसाद न्याैपानेले जानकारी दिए।
जिल्ला स्वास्थ्य कार्यालय जुम्लाबाट अहिले दुर्घटनास्थलतर्फ स्वास्थ्यकर्मी पठाइसकिएको छ प्रजिअ न्यौपानेले भने समयमै उद्धारको प्रबन्ध मिलाएका छौं ।
२०७२ फागुन १४ / १: ५०
वि.सं.२०७२ फागुन १४ शुक्रवार १३:४० मा प्रकाशित
