काठमाडौं । नेपाल राष्ट्र बैंकले हिजो एक समारोहको आयोजनामा आर्थिक वर्ष २०७२र०७३ को मौद्रिक नीतिको अर्धवार्षिक समिक्षा प्रतिबेदन जारी गर्दै आर्थिक बृद्धि लक्ष्यभन्दा न्युन र मूल्य बृद्धि साढे ९ प्रतिशत हुने अनुमान गरेको छ ।
चालु आवको ६ महिनामा मूल्य बृद्धि अर्थात औसत मुद्रास्फिती दर ९ दशमलव ४ प्रतिशत कायम रहेको र आगामी ६ महिना पनि यही दरको औसत मुद्रास्फिती कायम रहने बैंकको अनुमान छ।
‘अमेरिकी केन्द्रीय बैंकले ब्याजदर बढाएसँगै भारतीय र नेपाली मुद्रा कमजोर बनेको छ। विश्व अर्थतन्त्रमा मुद्रास्फिती दर घटेकाले नेपालको मुद्रास्फितीमा त्यसको सकारात्मक प्रभाव परे पनि अमेरीकी डलर बलियो भएपछि मुद्रास्फितीमा चाप पर्ने देखिन्छ’ राष्ट्र बैंकले हालै सार्वजनिक गरेको मौद्रिक नीतिको अर्धबार्षिक समिक्षामा उल्लेख गरिएको छ।
१७ फागुन २०७२, ९.००
वि.सं.२०७२ फागुन १७ सोमवार ११:०६ मा प्रकाशित
