सुरुङ्गा । झापाको गौरादहस्थित पेट्रोलपम्पमा सिलबन्दी गरिएको छ। पेट्रोलियम पदार्थको मूल्य तोकेभन्दा बढी लिएर उपभोक्ता ठग्ने गरेको पाइएपछि नवदुर्गा आयल स्टोर पेट्रोलपम्पमा हिजो सिलबन्दी गरिएको नेपाल आयल निगमका प्रतिनिधि लोकमणि पौडेलले बताए।
जिल्ला प्रशासन कार्यालय झापा, घरेलु तथा साना उद्योग कार्यालय झापा, नापतौल गुणस्तर नियन्त्रण कार्यालय, विराटनगर र नेपाल आयल निगमबाट खटिएको संयुक्त अनुगमन टोलीले पम्पमा सिलबन्दी गरेको हो।
उक्त पम्पले पेट्रोलियम पदार्थमा प्रतिलिटर रु एक बढी मूल्य लिएको पाइएपछि अनुगमन टोलीले कारबाही गरेको हो। अनुगमन टोलीले यस अघि झापाको भद्रपुरका रहेको आर्या ट्रेड, मातृ आयल र पवित्रा पेट्रोलपम्पमा पनि सिलबन्दी गरेको थियो। रासस
२० फागुन २०७२, ८.००
वि.सं.२०७२ फागुन २० बिहीवार ११:०९ मा प्रकाशित
