मोरङ । दुई महिनाअघि विराटनगरबाट पक्राउ गरिएका एक सय ७३ वटा एलपी ग्यास सिलिन्डर आज लिलामी गरिएको छ ।
भारतको अघोषित नाकाबन्दी र मधेसी मोर्चाको बन्दका बेला तस्करी नियन्त्रण गर्ने क्रममा विराटनगर बसपार्कबाट तस्करी गरी ल्याइएका एलपी ग्यास सिलिन्डर मोरङ प्रहरीले पक्राउ गरेको थियो ।
गुणस्तर तथा नापतौल पूर्वाञ्चल क्षेत्रीय कार्यालय विराटनगरका प्रमुख मनिसकुमार दासका अनुसार ती सिलिन्डर बिक्रीका लागि क्षेत्रीय कार्यालयले बोलपत्र आह्वान गरेको थियो । यसमा प्रतिसिलिन्डर एक हजार तीन सय ५० रुपैयाँका दरले सबैभन्दा बढी रकम हाल्ने विराट शिल्पा इन्टरप्राइजेजका बाबुलाल भुरालाई बिक्री गर्न जिल्ला प्रशासन कार्यालयलाई सिफारिस गरिएको छ ।
क्षेत्रीय कार्यालय प्रमुख दासका अनुसार जिल्ला प्रशासन कार्यालय, नगर प्रहरी, वाणिज्य कार्यालय, विराटनगर उपमहानगरपालिका र ग्यास विक्रेताहरुको रोहवरमा कार्यालयले सो बोलपत्रका आधारमा सिफारिस गरेको जनाइएको छ ।
वि.सं.२०७२ फागुन २० बिहीवार ११:२६ मा प्रकाशित
