काठमाण्डौं । नेपाल सरकारले १२ हजार मूल्य तोकेर बिक्रीको लागि खुल्ला गरेको इन्डक्सन चुलो नेशनल ट्रेडिङले ३ हजार ५ सय रुपैयाँमा बेच्ने तयारी गरेको छ । चीनले अनुदान दिएको चुलो नबिकेपछि नेशनल ट्रेडिङले आपूर्ति मन्त्रालयमा ३५ सय रुपैयाँमा चुलो बेच्न पाउँ भनी निवेदन पेश गरेको छ ।
भारतले नाकाबन्दी गरेपछि नेपाल सरकारले चीनसँग सहयोगमा चुलो मगाएको थियो। चीनले पहिलो लटमा १३ सय वटा चुलो केरुङ नाकासम्म ल्याइदिएको थियो। त्यसपछि नेपाल सरकारले केरुङ नाकाबाट सम्पूर्ण यातायात खर्च र भन्सार शुल्क तिरर नेपाल ल्याएको थियो।
सम्पूर्ण खर्च र लागत मूल्य घटाई नेशनल ट्रेडिङलाई बेचे वापत १० प्रतिशत सेवा शुल्क पाउने गरी प्रति इन्डक्सन चुलो १२ हजारमा उपभोक्तालाई बिक्री गर्न खुल्ला गरेको थियो जो हालसम्म एउटा पनि बिकेको छैन । त्यस्तै तीन महिना देखि १० हजार वटा इन्डक्सन चुलो २ करोड ५० लाख भन्सार शुल्क र्तिन नसक्दा विमानस्थलको भन्सार विभागमा नै अलपत्र परेको छ।
२६ फागुन २०७२, ३.००
वि.सं.२०७२ फागुन २६ बुधवार १६:३१ मा प्रकाशित
