काठमाडौँ । गएको वैशाखको विनाशकारी भुकम्प पछाडि सबैभन्दा वढि क्षति वाग्मति अञ्चलमै भएको र पुर्ननिर्माणमा जुट्न ढिलाई भएको भन्दै वाग्मति अञ्चलका नेकपा एमाले नेता तथा कार्यकर्ताहरु जुर्मुराएका छन ।
पुर्ननिर्माण प्राधिकरणका प्रमुख कार्यकारी अधिकृत, राष्ट्रिय योजना आयोगका उपाध्यक्ष, नेकपा एमाले वाग्मति अञ्चलबाट प्रतिनिधित्व गर्ने केन्द्रीय नेताहरुको समेत उपस्थितीमा एमाले वाग्मति अञ्चल समन्वय कमिटिले मंगलबार अन्तरक्रिया कार्यक्रमको आयोजना गरेको हो ।
पुर्ननिर्माणको काम वर्षा सुरु हुन अगावै गर्नुेपर्ने, वर्षा अगावै जनताको घर निर्माण भइसक्ने गरी योजना बन्नुपर्ने, सरकारी प्राविधिक, स्थानीय निकायको निगरानी र निरीक्षणमा सरकारले दिएको नमुना मुताविक जनता आफैंलाई आवास निर्माण गर्न पाउनुपर्ने र यसरी बनाइएको घरलाई समेत राज्यबाट दिने ऋण र अनुदान दिनुपर्ने, घर निर्माणका लागि दिइने थप ३ लाख ऋणलाई अनुदानमा रुपान्तरण गर्नुपर्ने, भुकम्प प्रभावित सबै जिल्लामा काम एकैपटक थाल्नुपर्ने, क्षती भएका सार्वजनिक संरचनाको पुर्ननिर्माणको काम तत्काल सुरुवात हुनुपर्ने लगायतका आवाज सहभागीहरुले उठाएका केन्द्रीय सदस्य माधव अर्यालले जानकारी दिए ।
वाग्मति भित्रका पार्टी स्थायी कमिटि, पोलिव्यूरो र केन्द्रीय कमिटिका सदस्यहरू जिल्ला कमिटिका अध्यक्ष तथा पदाधिकारीहरू , सभासदहरू एवम् पार्टीका नेताहरुको उपस्थिती रहेको उक्त भेलामा बोल्दै पुर्ननिर्माण प्राधिकरणका प्रमुख कार्यकारी अधिकृत शुसिल ज्ञवालीले जनताका आवास र सार्वजनिक संरचनाको निर्माणका सम्बन्धमा प्राधिकरणले हालसम्म गरेका काम र आगामी योजना प्रस्तुत गरेका थिए । सो अवसरमा राष्ट्रिय योजना आयोगका उपाध्यक्ष डा. यूवराज खतिवडाले भुकम्पबाट प्रभावित क्षेत्रमा आगामी वजेटमा समावेश गरिने विशेष कार्यक्रम बारेमा योजना प्रस्तुत गरेका थिए ।
गत वैशाखमा गएको विनाशकारी भूकम्पले वाग्मति अञ्चलका विभिन्न जिल्लाहरु सबैभन्दा वढि प्रभावित भएको, मानवीय र भौतिक दृष्टिबाट समेत सबैभन्दा वढि क्षति यीनै जिल्लामा भएको कारण राज्यको ध्यान यतैतर्फ केन्द्रीत हुनुपर्ने भएको हुँदा, नेकपा एमाले पार्टीको ध्यान यसैतर्फ केन्द्रित रहोस भन्ने उदेश्यले यस किसिमको अन्तरक्रिया कार्यक्रमको आयोजना गरिएको अर्यालले जानकारी दिए ।
नेकपा एमालेका पोलिटव्युरो सदस्य एवम् वागमति अञ्चल इञ्चार्ज अरुण नेपालको अध्यक्षता र सह इञ्चार्ज एवम् सांसद शेरबहादुर तामाङले सञ्चालन गरेको उक्त कार्यक्रममा अनुशासन आयोगमा अध्यक्ष एवम् सांसद अमृतकुमार बोहोरा, पार्टी पाेलिटब्युराे सदस्य पूर्व मन्त्री राजेन्द्रप्रसाद पाण्डे, पार्टी पाेलिटब्युराे सदस्य पूर्व परराष्ट्रमन्त्री महेन्द्रबहादुर पाण्डे लगायतका पार्टीका केन्द्रीय नेताहरुको समेत उपस्थिती रहेको थियो ।
२ चैत २०७२ / ६:०५:41
वि.सं.२०७२ चैत २ मंगलवार १८:१४ मा प्रकाशित
