back
mega bank Ad
Hero Ad

अब नगरको फोहोर उठाउने जिम्मा सहकारीलाई

बागलुङ । स्थानीय नगरक्षेत्रको फोहर व्यवस्थापनको जिम्मा यहाँको एक सहकारीले लिएको छ। गत वर्ष खुलेको धवलागिरि फोहरमैला व्यवस्थापन तथा सरसफाइ सहकारीले त्यस्तो जिम्मा पाएको हो।

बागलुङ नगरपालिका कार्यालय र सहकारीबीच फोहर सङ्कलन र व्यवस्थापनसम्बन्धी दुईपक्षीय सम्झौता भएको छ। सहकारीले विगत १० महिनादेखि निःशुल्क रुपमा नगरको फोहर व्यवस्थापनमा सघाउँदै आएको थियो। सहकारीका अध्यक्ष सुधीर श्रेष्ठले नगरपालिकालाई सरसफाइमा नुमना बनाउने बताए।

यसअघि नगरपालिका आफैँले फोहर व्यवस्थापनको काम गर्दै आएको थियो। फोहर व्यवस्थापनमा प्रयोग हुँदै आएका दुईवटा सवारी र ६ जना कर्मचारीसमेत सहकारीलाई हस्तान्तरण गरिएको नगरपालिकाका कार्यकारी अधिकृत युवराज अधिकारीले बताए।

उहाँका अनुसार पूर्ण सरसफाइयुक्त नगरपालिका बनाउन सहकारीमार्फत काम सुरु गरिएको हो। “अबदेखि फोहर नउठ्ने वातावरण सिर्जना हुन दिन्नौँ, नगरलाई स्वच्छ बनाउन हामी मिलेर सहकार्य गर्छौं”, अधिकृत अधिकारीले भने। उनले सरकारले सबैतिर टेक्ने होइन, देख्ने हो भन्ने अवधारणाबाट फोहर व्यवस्थापनको जिम्मा सहकारीलाई लगाएको बताए।

समयमा फोहर उठ्न नसकेको र सार्वजनिक बिदाका दिनमा काम नभएको भन्दै नगरवासीबाट गुनासो आउने गरेको थियो। सहकारीले बिदाका दिनमा पनि फोहर उठाउने प्रतिबद्धता जनाएको छ। सहकारीलाई दिइएको सवारीका लागि इन्धन र कर्मचारीको तलब भने नगरपालिकाले नै व्यहोर्ने जनाइएको छ । त्यसबाहेक अन्य व्यवस्थापन खर्चका लागि नगरपालिकाले सहकारीलाई आगामी असार मसान्तसम्मका लागि पाँच लाख ७६ हजार ५०० रुपैयाँ दिने सम्झौता भएको छ।

सो रकम सवारी पार्किङ, ल्यान्डफिल्ड साइट व्यवस्थापन, सञ्चार, कार्यालय व्यवस्थापनमा खर्चन पाइने प्रावधान राखिएको छ । पहिलो चरणमा पाँच महिनाका लागि सम्झौता भए पनि सहकारीले पाँच वर्षसम्म फोहर व्यवस्थापनको जिम्मा लिएको हो। हरेक वर्ष असार मसान्तमा सम्झौता नवीकरण गर्दै जाने विनियम पनि बनाइएको छ।

स्थानीय स्वायत्त ऐन, सार्वजनिक खरिद ऐन तथा आर्थिक नियमावलीलाई पनि सम्झौतामा उल्लेख गरिएको छ। नगरस्तरीय राजनीतिक दलको संयन्त्रले पनि सहकारीलाई जिम्मा दिने कुरामा सहमति जनाएको छ। सहकारीले फोहरलाई सिसाजन्य, प्लास्टिकजन्य र कुहिने फोहर गरी तीन भागमा छुट्याएर व्यवस्थापन गर्ने योजना बनाएको छ।

कुहिने फोहरबाट मल बनाउने, सिसाको उचित व्यवस्थापन गर्ने र प्लास्टिकजन्य फोहरलाई नष्ट गर्ने अध्यक्ष श्रेष्ठले बताए। सहकारीसँग यसअघि नै रहेको एउटा र नगरपालिकाबाट प्राप्त दुई गरी तीन सवारी फोहर सङ्कलनमा प्रयोग हुनेछन्। फोहरको उचित व्यवस्थापन र विसर्जनका लागि नगरपालिका कार्यालयले ९० लाख खर्चेर डम्पिङ साइट निर्माण गरेको छ। रासस

५ चैत २०७२, १०.००

वि.सं.२०७२ चैत ५ शुक्रवार ११:५० मा प्रकाशित

You can share this post!

समूह चरणको एक खेल अगावै क्यानाडा कतार विश्वकपबाट बाहिरियो

समूह चरणको एक खेल अगावै क्यानाडा कतार विश्वकपबाट बाहिरियो

वि.सं.२०७९ मंसिर १२ सोमवार ०६:१७

काठमाडौं । क्रोएसियासँग ४–१ ले पराजित भएसँगै उत्तर अमेरिकी टोली...

यी हुन् दोलखामा पुनः मतदान हुने १० केन्द्र

यी हुन् दोलखामा पुनः मतदान हुने १० केन्द्र

वि.सं.२०७९ मंसिर ११ आइतवार २०:४५

काठमाडौं  । दोलखामा प्रदेश तथा प्रतिनिधिसभा निर्वाचन अन्तर्गत मंसिर ४ गते...

यी ७ लघुबीमाले पाए कम्पनी संस्थापनाको अनुमति, हेर्नुहोस् क-कसले पाए ?

यी ७ लघुबीमाले पाए कम्पनी संस्थापनाको अनुमति, हेर्नुहोस् क-कसले पाए ?

वि.सं.२०७९ मंसिर ११ आइतवार १७:१०

काठमाडौं । नेपाल बीमा प्राधिकरणले सात कम्पनीलाई लघुबीमा कम्पनीलाई छनोट...

दोलखाका सात केन्द्रमा पुनः मतदान गर्न जाँचबुझ टोलीको सिफारिस

दोलखाका सात केन्द्रमा पुनः मतदान गर्न जाँचबुझ टोलीको सिफारिस

वि.सं.२०७९ मंसिर ११ आइतवार १६:५१

काठमाडौं ।  दोलखाका सात मतदान केन्द्रमा पुन मतदान गर्न जाँचबुझ...

बैदेशिक रोजगारीमा जानेले  आईपीओ भर्ने बाटो खुल्यो, रेमिट्यान्स खाता खोली सीआरएन नम्बर लिन सक्ने

बैदेशिक रोजगारीमा जानेले आईपीओ भर्ने बाटो खुल्यो, रेमिट्यान्स खाता खोली सीआरएन नम्बर लिन सक्ने

वि.सं.२०७९ मंसिर ११ आइतवार १६:४६

काठमाडौं । बैदेशिक रोजगारीमा जानेको लागि आईपीओ भर्न बाटो खुलेको...

चेतन अयडीको हत्यारालाई कारबाहीको माग गर्दै अनेरास्ववियुको प्रदर्शन

चेतन अयडीको हत्यारालाई कारबाहीको माग गर्दै अनेरास्ववियुको प्रदर्शन

वि.सं.२०७९ मंसिर ११ आइतवार १६:०४

काठमाडौं । अनेरास्ववियुले चेतन अयडीको हत्यारालाई कारबाहीको माग गर्दै प्रदर्शन...