चितवन। भूकम्प र नाकाबन्दीपछिको निर्माणको अवस्थाबारे समीक्षा गर्न देशभरका एक हजारभन्दा बढी निर्माण व्यवसायी यहाँको रत्ननगरमा भेला भएका छन् । ‘निर्माणबाट समृद्धि’ भन्ने नारासहित नेपाल निर्माण व्यवसायी महासङ्घको १८औँ केन्द्रीय साधारणसभा तथा रजत जयन्ती शुभारम्भ समारोहका लागि उनीहरु यहाँ भेला भएका हुन् ।
आजदेखि सुरु हुने दुईदिने केन्द्रीय साधारणसभाका प्रधानमन्त्री केपी शर्मा ओलीले उद्घाटन गर्ने कार्यक्रम तय भएको छ । कार्यक्रममा उपप्रधानमन्त्री विजय गच्छदारको पनि सहभागिता रहने आयोजकले जनाएका छन् ।
गत वैशाख १२ र २९ गते गएको भूकम्पबाट परेको असर, नाकाबन्दीले पारेको प्रभाव तथा पुनर्निर्माण कार्यमा निर्माण व्यवसायीको भूमिकाका विषयमा साधारणसभा केन्द्रित हुनेछ ।
साधारणसभामा देशभरिबाट प्रतिनिधि तथा पर्यवेक्षक गरी एक हजार २ सय भन्दा बढी सहभागी हुन लागेका छन् । देशभरि १२ हजार ५०० भन्दा बढी निर्माण व्यवसायी महासङ्घमा आबद्ध रहेका छन् ।
१७ चैत २०७२, ८.००
वि.सं.२०७२ चैत १७ बुधवार १०:५४ मा प्रकाशित
