चितवन । यहाँका किसानहरु मोबाइलमा आएको नयाँ कृषि घर एप्लिकेसनबाट लाभान्वित हुन थालेपछि सबैको यसतर्फ आकर्षण बढ्दो छ । कृषि मन्त्रालय कृषि विभागअन्तर्गत कृषि सूचना तथा सञ्चार केन्द्रले यो एप्स ल्याएको हो ।
खेतीबाली सम्बन्धी गतिविधि, रोग किरा र त्यसको नियन्त्रणका उपाय, कृषि विज्ञको सम्पर्क नम्बर र जिल्लाका गतिविधिसमेत मोबाइलबाटै हेर्न मिल्ने भएपछि किसानहरु यसबाट लाभान्वित भएका हुन् ।
पहिलो खेतीबालीमा किरा लागेपछि कृषि सेवा केन्द्रमा धाएर बल्ल बल्ल प्रविधिज्ञलाई ल्याउँदा ढिला भइसक्नेमा अहिले भने मोबाइलबाटै समस्याको समाधान गर्न किसानहरु आफै सक्षम भएका छन् ।
चितवनपछि अब नेपालका सात जिल्लामा यसलाई प्रयोगमा ल्याइने भएकोछ । सिन्धुपाल्चोक, दोलखा, सुर्खेत, धादिङ, स्याङ्जा र काभ्रेमा प्रविधि लैजाने गरी काम भइरहेको छ ।
यो एप प्रयोगका लागि एनड्रोइड मोबाइल भएका किसानले आफ्नो मोबाइलमा प्ले स्टोर एप्स खोल्ने । त्यसमा कृषि घर Krishi ghar टाइप गरी सर्च गर्ने र डाउनलोड गर्ने । त्यसमा क्लिक गरेपछि मुख्य मेनु खुल्छ । त्यसमा ‘गृह पृष्ठ’, ‘जानकारीहरू’ र ‘मेरो कृषि’ तीन वटा अप्सन दिइएको हुन्छ । यसमा आफूलाई चाहिएको जानकारीमा क्लिक गरेर खोल्न सकिन्छ ।
२४ चैत २०७२, ८।००
वि.सं.२०७२ चैत २४ बुधवार ११:२८ मा प्रकाशित
