काठमाण्डौं । भारतबाट मार्च महिनामा अहिलैसम्मको धेरै इन्धन आयात भएको छ । नेपाल आयल निगमका निमित्त नायब कार्यकारी निर्देशक सुशील भट्टराईका अनुसार मार्च महिनामा १ लाख ११ हजार १ सय ८ किलोलिटर डिजेल आयात भएको छ ।
आयातित डिजेल अहिलेसम्मकै धेरै हो । यसअघि मासिक करिब ७५ हजार किलोलिटर डिजेल आयात हुन्थ्यो । यस्तै २९ हजार ८ सय ८१ किलोलिटर पेट्रोल भित्रिएको छ ।
यसअघि मासिक औसतमा २४ देखि २७ हजार किलोलिटर आयात हुन्थ्यो । निगमको तथ्यांकअनुसार खाना पकाउने ग्यासको आयात पनि उच्च छ । अहिले ग्यासको मासिक कोटा २९ हजार टन छ ।
प्रकाशितः २०७२ चैत्र २५
वि.सं.२०७२ चैत २५ बिहीवार ११:५७ मा प्रकाशित